பெரும்பாலான மக்கள் பயணங்களை எளிமையாக மேற்கொள்ள, குழப்பம் அடையாமல் இருக்க
கூகுள் மேப்ஸ்
செயலியை பயன்படுத்தி வருகின்றனர். ஸ்மார்ட்போன் பயனர்களுக்கு இது வரப் பிரசாதம் என்றே சொல்லலாம். அந்த வகையில் கூகுள் மேப்ஸ் இவர்களுக்கு உதவியாக இருக்கிறது.
முன்பெல்லாம், ஒரு இடத்தை அடையும் தூரம், நேரம், வழியில் இருக்கும் வாகன நெரிசல் என அனைத்தையும் சுயமாக கணிக்க வேண்டும். அல்லது போகும் இடத்திற்கு வழி தெரியவில்லை என்றால், குறைந்தது இரண்டு மூன்று நபர்களிடமாவது உதவி கேட்க வேண்டும்.
கூகுள் மேப்ஸ் இவை அனைத்தையும் எளிமையாக்கி விட்டது. அனைத்தையும் இந்த ஒரு செயலி நமக்கு எளிதில் காட்டிவிடுகிறது. இந்த சூழலில், கூகுளும் தனது மேப்ஸ் தளத்தை தொடர்ந்து மேம்படுத்தி வருகிறது. சில நாள்களுக்கு முன், ரயில் பயண நேரத்தை அறியும் வசதி அறிமுகம் செய்யப்பட்டது. தற்போது, புதிய 5 அப்டேட்டுகளை கூகுள் மேப்ஸ் இந்தியாவில் கொண்டு வர இருக்கிறது.
சுங்கக் கட்டணத்தை முன்னதாக அறியும் வசதி (Know the toll rates before your trip)
நீங்கள் மேற்கொள்ளும் நீண்ட தூர சாலைப் பயணங்களில், பல சுங்கச்சாவடிகளை கடக்க வாய்ப்புகள் உள்ளன. சில நேரங்களில் எவ்வளவு கட்டணம் என்பதை நீங்கள் அறிந்திருக்கலாம். ஆனால், பல வேளைகளில் இந்த சுங்கச்சாவடிக்கு என்ன கட்டணம் வசூலிக்கிறார்கள் என்பது உங்களுக்குத் தெரியாமல் இருக்கும்.
இந்த பிரச்னையை தீர்க்கும் வண்ணம், கூகுள் முதல் முறையாக கூகுள் மேப்ஸில் சுங்கக் கட்டணங்களை வெளியிடுகிறது. பயனர்கள் தங்களின் பயணத்தைத் தொடங்கும் முன், நீங்கள் சேருமிடத்திற்கான மதிப்பிடப்பட்ட டோல் விலையைப் பார்க்க முடியும்.
டோல் பாஸ் அல்லது பிற கட்டண முறைகளைப் பயன்படுத்துவதற்கான செலவு, வாரத்தின் நாள் என்ன, நீங்கள் அதைக் கடக்கும் குறிப்பிட்ட நேரத்தில் கட்டணம் எவ்வளவு என்று அனைத்தும் கூகுளால் கண்காணிக்கப்பட்டு கூறப்படுகிறது.
Google Maps உதவியுடன் ரயிலின் Live Status-ஐ தெரிந்து கொள்ளலாம்!
சுங்கக்கட்டணம் இல்லாத பயணம் (Take the toll-free route)
நீங்கள் கட்டணம் செலுத்த விரும்பவில்லை என்றால் உங்களுக்கு இந்த வசதி பயனுள்ளதாக இருக்கும்.
Google Maps
இப்போது கட்டணமில்லா பாதையை பயனர்களுக்கு காட்டுகிறது. சுங்கச் சாவடிகள் உள்ள வழித்தடங்களை முற்றிலும் தவிர்க்க பயனர்களுக்கு அனுமதி வழங்கப்படுகிறது. உங்கள் வழி விருப்பங்களைப் பார்க்க,
Google
மேப்ஸில் வலது மூலையில் உள்ள மூன்று புள்ளிகளை கிளிக் செய்து ‘Avoid Tolls’ என்ற அம்சத்தை தேர்ந்தெடுக்கவும்.
போக்குவரத்து சிக்னல்கள் (Traffic lights, stop signs in Google Maps)
பயனர்கள் விரைவில் போக்குவரத்து சிக்னல்களில் இருக்கும் விளக்குகளை கூகுள் மேப்ஸ் உதவியுடன் பார்க்க முடியும். அவர்களின் பாதையில் இதற்கான அடையாளங்கள் காட்டப்படும். சாலையின் வடிவம், அகலம், தடுப்புச்சுவர்கள் போன்ற அனைத்தையும் புதிய அப்டேட் கொண்டு வருகிறது.
பயணங்களை எளிமையாக்க கூகுளின் இந்த அப்டேட் பெரும் உதவியாக இருக்கும். இந்தியாவில் இந்த அம்சம் எப்போது கிடைக்கும் என்ற தகவலை வெளியிடாத கூகுள், விரைவில்
ஆண்ட்ராய்டு
ஆட்டோ மற்றும் ஆப்பிள் நிறுவனத்தின் iOS
CarPlay
ஆகிய செயலிகளுக்கு இந்த அப்டேட் வழங்கப்படும் என்று தெரிவித்துள்ளது.
YouTube அறிமுகப்படுத்தும் புதிய Share Clips வசதி – எப்படி பயன்படுத்துவது!
ஆப்பிள் வாட்சில் கூகுள் மேப்ஸ்
ஆப்பிள் iOS பயனர்களுக்கு மேம்பட்ட வசதிகளை அளிக்க கூகுள் முயற்சி செய்து வருகிறது. அதன் ஒரு பகுதியாக ஆப்பிள் வாட்சில் கூகுள் மேப்ஸை எளிமையாக அணுகும் வசதியை புதிய அப்டேட் வாயிலாகக் கொண்டுவர உள்ளது. Siri சேவையைப் பயன்படுத்தி ‘Take me home’ என்று சொன்னால், தானாக வீட்டிற்கு செல்ல வேண்டிய போக்குவரத்து நெரிசல் இல்லாத வழியை கூகுள் மேப்ஸ் Apple Watch-இல் காட்டும்.
ஐபோன் முகப்புத் திரையில் கூகுள் மேப்ஸ்
முன்னதாகவே ஐபோன் பயனர்களுக்காக கூகுள் மேப்ஸ் விட்ஜெட்ஸ் வழங்கப்பட்டுள்ளது. ஆனால், செயலியை பயன்படுத்தும் போது வெளியே வந்துவிட்டால், நாம் போக வேண்டிய பாதையை முகப்பு திரையில் பார்க்க முடியாது.
ஆண்ட்ராய்டு ஸ்மார்ட்போன்களில், மேப்ஸை விட்டு வெளியே வந்தாலும், முகப்புத் திரையில் அந்த வழிகாட்டு ‘பின்’ செய்யப்படும். இந்த வசதி தற்போது ஐபோன் பயனர்களுக்கும் கொடுக்கப்பட உள்ளது. புதிய அப்டேட்டுகள் மூலம் இந்த அம்சங்கள் பயனர்களுக்கு கிடைக்கும் என கூகுள் நிறுவனம் தனது அறிக்கையில் தெரிவித்துள்ளது.
ஆப்பிள் வாட்ச் விவரங்கள்முழு அம்சங்கள்சிறப்புகள்Call Function, Fitness Trackingடிஸைன்Rectangular Dial Designடிஸ்பிளே1.5 Inch (3.81 cm) Displayமுழு அம்சங்கள்