சீனாவின் ரியல்மி நிறுவனம் இந்தியாவில் தனது புதிய ஸ்மார்ட்போன்கள் வரிசையைக் நீட்டித்துக் கொண்டே செல்கிறது. சமீபத்தில் சில மிட் ரேஜ் பிரீமியம் போன்கள் களமிறக்கிய நிறுவனம், ஏப்ரல் 6ஆம் தேதி மலிவு விலை ரியல்மி சி31 ஸ்மார்ட்போனை விற்பனைக்குக் கொண்டுவந்துள்ளது.
இந்நிலையில், இந்தியாவில் இன்று
ரியல்மி 9 4ஜி
ஸ்மார்ட்போனை அறிமுகம் செய்துள்ளது. ஏப்ரல் 12ஆம் தேதி இந்த ஸ்மார்ட்போன் விற்பனைக்குக் கொண்டுவரப்படும் எனத் தெரிவிக்கப்பட்டுள்ளது. 4ஜி ஸ்மார்ட்போன் என்றாலும், ரியல்மி சூப்பர் அம்சங்களை இந்த போனில் சேர்த்துள்ளது.
முக்கியமாக, 108MP ப்ரோ லைட் கேமரா, 90Hz சூப்பர் அமோலெட் டிஸ்ப்ளே, ஸ்னாப்டிராகன் 680 புராசஸர், 5000mAh பேட்டரி, ரிப்பிள் ஹோலோகிராபிக் டிசைன் என ஸ்மார்ட்போன் லுக் மற்றும் கட்டமைப்பின் திறன் வாய்ந்ததாக இருக்கிறது.
10,000mAh பேட்டரி போன் தெரியுமா – இப்படியும் ஸ்மார்ட்போன் இருக்கா!
ரியல்மி 9 4ஜி சிறப்பம்சங்கள் (Realme 9 4g specs)
புதிய ரியல்மி ஸ்மார்ட்போனில் 90Hz ரெப்ரெஷ் ரேட் கொண்ட சூப்பர் AMOLED HD Plus டிஸ்ப்ளே கொடுக்கப்பட்டுள்ளது. இதன் டச் சேம்பிளிங் ரேட் 360Hz ஆக உள்ளது. 1080×2400 பிக்சல் ரெசலியூஷனை இந்த டிஸ்ப்ளே கொண்டுள்ளது. கார்னிங் கொரில்லா கிளாஸ் பாதுகாப்பு உள்ளதா என நிறுவனம் தகவல் தெரிவிக்கவில்லை.
ஸ்மார்ட்போனை 6nm நானோமீட்டர் கட்டமைப்பு
Snapdragon 680 processor
இயக்குகிறது. அட்ரினோ 610 கிராபிக்ஸ் எஞ்சின் இதில் பயன்படுத்தப்பட்டுள்ளது. இந்த ஸ்மார்ட்போனின் ரிப்பிள் ஹோலோகிராபிக் டிசைன் ஒரு புதுவித லுக்கை அளிக்கிறது. ஆண்ட்ராய்டு 12 அடிப்படையிலான realme UI 3.0 ஸ்கின் இதில் நிறுவப்பட்டுள்ளது.
ரியல்மி 9 4ஜி கேமரா (Realme 9 4g camera)
இந்த ஸ்மார்ட்போனின் பின்பக்க மூன்று கேமரா கொண்ட அமைப்பு உள்ளது. இதில் முதன்மை சென்சாராக Samsung HM6 Sensor 108MP AI டிரிப்பிள் ப்ரோலைட் கேமரா, 8MP மெகாபிக்சல் சூப்பர் வைட் கேமரா, 2MP மெகாபிக்சல் மேக்ரோ லென்ஸ் ஆகிய கேமராக்களைக் கொண்டுள்ளது. செல்பி, வீடியோ அழைப்புகளுக்காக 16MP மெகாபிக்சல் கேமரா வழங்கப்பட்டுள்ளது.
யூஎஸ்பி டைப் சி, 3.5mm ஹெட்போன் ஜாக், மைக்ரோ எஸ்டி ஸ்லாட் ஆகிய இணைப்பு ஆதரவினைக் கொண்டுள்ளது. புதிய ரியல்மி 4ஜி போனின் 5 சென்சார்கள் பொருத்தப்பட்டுள்ளது. ஜிபிஎஸ் லொக்கேஷன் ஆதரவும் இதில் உள்ளது.
கூகுள் மேப்ஸ் அப்டேட்: இனி உங்கள் பயணம் சுகமாகும்!
ரியல்மி 9 4ஜி பேட்டரி (Realme 9 4g battery)
இந்த ஸ்மார்ட்போனை சக்தியூட்ட 5000mAh பேட்டரி வழங்கப்பட்டுள்ளது. இதனை ஊக்குவிக்க 33W டார்ட் பாஸ்ட் சார்ஜிங் ஆதரவு உள்ளது. ஸ்மார்ட்போன் உடன் பாஸ்ட் சார்ஜரும் வழங்கப்படுகிறது. இது ரிவர்ஸ் சார்ஜிங் வசதியையும் பெறுகிறது.
ரியல்மி 9 4ஜி விலை (Realme 9 4g price in India)
புதிய ரியல்மி போன் 6GB அல்லது 8GB ஆகிய இரு ரேம் தேர்வுகளில் வருகிறது. UFS 2.2 128GB ஸ்டோரேஜ் மெமரி கொடுக்கப்பட்டுள்ளது. Sunburst Gold, Stargaze White, Meteor Black ஆகிய மூன்று நிறங்களில் விற்பனைக்கு வரவுள்ள ரியல்மி 9 4ஜி ஸ்மார்ட்போனின் 6GB+128GB வேரியன்டின் விலை ரூ.17,999 ஆகவும், 8GB+128GB விலை ரூ.18,999 ஆகவும் நிர்ணயம் செய்யப்பட்டுள்ளது.
ஏப்ரல் 12, 2022 அன்று பிளிப்கார்ட் ஷாப்பிங் தளம், ரியல்மி தளம், ரியல்மி ஸ்டோர்ஸ் மூலம் விற்பனைக்குக் கொண்டு வரப்படுகிறது. அறிமுக சலுகையாக HDFC வங்கி கடன் அட்டை அல்லது Debit card பயனர்களுக்கு ரூ.2000 தள்ளுபடி வழங்கப்படுகிறது.