திருநெல்வேலி காவல்துறை கண்காணிப்பாளராக (டிஎஸ்பி) சுரேஷ்குமார் பணிபுரிந்து வருகிறார்.
இவர் கடந்த 2006-ஆம் ஆண்டு குமாரபாளையம் காவல் நிலையத்தில் ஆய்வாளராக பணிபுரிந்து வந்தார்.
அப்போது அந்த காவல் நிலையத்தில் பதியப்பட்ட இரண்டு வழக்குகளில் சாட்சியமளிக்க சுரேஷ்குமார் நேரில் ஆஜராக வேண்டும் என்று, குமாரபாளையம் குற்றவியல் நடுவர் நீதிமன்றம் பலமுறை சம்மன் அனுப்பி உள்ளது.
ஆனால், சுரேஷ்குமார் நீதிமன்றத்தில் ஆஜராகவில்லை. கடந்த மார்ச் மாதம் 19ம் தேதியும், கடந்த 7ஆம் தேதி அவருக்கு நீதிமன்றம் சம்மன் அனுப்பியும், அவர் ஆஜராகவில்லை.
இதனையடுத்து, தற்போது திருநெல்வேலி காவல் துணை கண்காணிப்பாளராக பணிபுரிந்து வரும் சுரேஷ்குமாருக்கு பிடிவாரன்ட் பிறப்பித்து நீதிபதி உத்தரவிட்டுள்ளார்.