ஏப்., 10ல் ஜீ தமிழில் ‛வீரமே வாகை சூடும்' ஒளிபரப்பு
விஷால், டிம்பிள் ஹயாதே, யோகி பாபு, பாபுராஜ், ரவீனா ரவி, மாரிமுத்து உள்பட பலர் நடித்துள்ள படம் வீரமே வாகை சூடும். து.பா.சரவணன் என்ற புதுமுகம் இயக்கி இருந்த இந்தப் படத்தை விஷால் பிலிம் பேக்டரி சார்பில் விஷாலே தயாரித்திருந்தார். யுவன் சங்கர் ராஜா இசை அமைத்திருந்தார், கவின் ராஜ் ஒளிப்பதிவு செய்திருந்தார்.
அதிகாரம் படைத்தவரின் மகன் செய்யும் தொடர் பாலியல் கொலைகளை கண்டுபிடித்து அழிக்கும் ஒரு பயிற்சி போலீஸ் அதிகாரியின் கதை. கடந்த பிப்ரவரி மாதம் 4ம் தேதி தியேட்டரில் வெளியிடப்பட்ட படம் தற்போது ஓடிடி தளத்தில் வெளியாகி உள்ளது. இதை தொடர்ந்து தற்போது டிவி சேனலிலும் ஒளிபரப்பாகிறது. வருகிற 10ம் தேதி (ஞாயிற்றுக் கிழமை) மாலை 6 மணிக்கு ஜீ தமிழ் சேனலில் ஒளிபரப்பாகிறது.