வாசிக்க நேரம் இல்லையா? செய்தியைக் கேளுங்கள்
புதுடில்லி-இந்தியா – ஆஸ்திரேலியா இடையிலான வர்த்தக உறவுகளை கொண்டாடும் விதமாக, பிரதமர் நரேந்திர மோடிக்கு பிடித்த இந்திய உணவு வகையான, ‘கிச்சடி’யை சமைத்து, ஆஸ்திரேலிய பிரதமர் ஸ்காட் மாரிசன் அசத்தி உள்ளார்.
 |
நம் பிரதமர் நரேந்திர மோடியுடன், ஆஸ்திரேலிய பிரதமர் ஸ்காட் மாரிசன் நெருக்கமான நட்புறவு வைத்துள்ளார்.சமீபத்தில் கையெழுத்தான வரியற்ற பரஸ்பர வர்த்தக ஒப்பந்தம், இருநாடுகளுக்கு இடையிலான உறவை மேலும் வலுபடுத்தும் வகையில் அமைந்தது.
இந்நிலையில் இந்தியா – ஆஸ்திரேலியா இடையிலான வர்த்தக உறவுகளை கொண்டாடும் விதமாக, தன் குடும்பத்திற்காக, இந்திய உணவு வகையான கிச்சடியை, ஆஸ்திரேலிய பிரதமர் ஸ்காட் மாரிசன் சமைத்துள்ளார்.
 |
இதுகுறித்த புகைப்படத்தை சமூக வலை தளத்தில் பகிர்ந்த மாரிசன், அதில் குறிப்பிட்டுள்ளதாவது:இந்தியாவுடன் செய்யப்பட்டுள்ள புதிய வர்த்தக ஒப்பந்தத்தை கொண்டாடும் விதமாக, என் அன்பு நண்பரும், இந்திய பிரதமருமான நரேந்திர மோடியின் சொந்த ஊரான குஜராத்தில் புகழ்பெற்ற கிச்சடி உணவு வகையை, நான் ஆஸி.,யில் சமைத்துள்ளேன்; இது, அவருக்கு மிகவும் பிடித்த உணவு.இவ்வாறு அவர் குறிப்பிட்டுள்ளார்.
பிரதமர் மோடிக்காக, இந்திய உணவை ஸ்காட் மாரிசன் செய்வது, இது முதல் முறையல்ல. 2020 மே மாதம், இந்திய சிற்றுண்டி வகையான சமோசாக்களை செய்து, சமூக வலை தளத்தில், அவர் பதிவிட்டிருந்தார்.
Advertisement