காஷ்மீரில் உள்ள அமர்நாத் குகையில் இயற்கையாக உருவாகும் பனி லிங்கத்தை காண ஆண்டுதோறும் லட்சக்கணக்கான யாத்திரீகர்கள் அங்கு வருகை புரிந்து சாமி தரிசனம் செய்வது வழக்கம்.
ஆனால் கொரோனா பரவல் காரணமாக கடந்த 2 ஆண்டுகளாக
அமர்நாத் யாத்திரை
தற்காலிகமாக நிறுத்தி வைக்கப்பட்டிருந்தது. இந்த நிலையில், நிகழாண்டு ஜூன் முதல் ஆகஸ்ட் வரை அமர்நாத் யாத்திரை வழக்கம்போல் நடைபெறும் என அறிவிப்பு வெளியாகி உள்ளது. இதற்கான முன்பதிவு இன்று முதல் ஆரம்பித்துள்ளது.
அமர்நாத் ஆலய இணையதளம், மொபைல் செயலி ஆகியவற்றின் மூலம் பக்தர்கள் முன்பதிவு செய்து கொள்ளலாம் என அமர்நாத் ஆலய நிர்வாகம் தெரிவித்துள்ளது. இந்த ஆண்டு மூன்று லட்சத்திற்கும் மேற்பட்ட பக்தர்கள் அமர்நாத்துக்கு வரக்கூடும் என கணிக்கப்பட்டுள்ளது.
திருப்பதி வந்த ஏழுமலையான் பக்தர்களுக்கு காத்திருந்த அதிர்ச்சி!
இதனை கருத்தில் கொண்டு, ரம்பன் மாவட்டத்தில் 3,000 பக்தர்கள் வரை ஒரே நேரத்தில் தங்கும் வகையில் யாத்ரிகர்கள் நிவாஸ் அமைக்கப்பட்டுள்ளதாக அமர்நாத் ஆலய வாரியம் தெரிவித்துள்ளது.
கடல் மட்டத்தில் இருந்து பல ஆயிரம் அடிகள் உயரத்தில் அமர்நாத் அமைந்துள்ளதால், மருத்துவ பரிசோதனையில் தேர்ச்சி பெறும் பக்தர்கள் மட்டுமே இங்குள்ள பனி லிங்கத்தை தரிசிக்க அனுமதிக்கப்படுவார்கள் என்பது குறிப்பிடத்தக்கது.