‘மாஸ்டர்’ படத்தின் வெற்றியை தொடர்ந்து தற்போது
பீஸ்ட்
‘ படத்தில் நடித்து முடித்துள்ளார்
விஜய்
. கோலிவுட் வட்டாராமே எதிர்பார்த்து கொண்டிருந்த இந்தப்படத்தின் டிரெய்லர் வெளியாகி ரசிகர்கள் மத்தியில் எதிர்பார்ப்பை கிளப்பியுள்ளது. நாளைய தினம் திரையரங்குகளில் வெளியாகவுள்ள ‘பீஸ்ட்’ படத்தினை காண ரசிகர்கள் ஆர்வமுடன் காத்து கொண்டிருக்கின்றனர்.
சன் பிக்சர்ஸ்
தயாரித்துள்ள ‘பீஸ்ட்’ படத்தில் விஜய்க்கு ஜோடியாக பூஜா ஹெக்டே நடித்துள்ளார். கோலமாவு கோகிலா, டாக்டர் படங்களை தொடர்ந்து விஜய் நடிப்பில் ‘பீஸ்ட்’ படத்தை இயக்கியுள்ளார்
நெல்சன் திலீப்குமார்
. இந்தப்படத்தில் மலையாள நடிகர் ஷைன் டாம் சாக்கோ மற்றும் இயக்குநர் செல்வராகவன் உள்ளிட்டோர் நடித்துள்ளனர்.
கடந்த பிப்ரவரி மாதம் 14ஆம் தேதி காதலர் தினத்தன்று வெளியான ‘பீஸ்ட்’ படத்தில் பர்ஸ்ட் சிங்கிளான “ஹலமித்தி ஹபிபோ” பாடல் பட்டி தொட்டியெங்கும் ஒலித்து வருகிறது. அதனை தொடர்ந்து விஜய் குரலில் வெளியான ‘ஜாலியோ ஜிம்கானா’ பாடலும் யூட்யூப்பில் பல கோடி பார்வையாளர்களை கடந்து சாதனை படைத்து வருகிறது.
காதல் என்றுமே மாறாது: ஐஸ்வர்யாவிற்கு ‘நச்’ அறிவுரை வழங்கிய இசைஞானி…!
‘பீஸ்ட்’ படத்தின் டிரெய்லர் மற்றும் புரோமோக்கள் வெளியாகி ரசிகர்கள் மத்தியில் எக்கச்சக்க எதிர்பார்ப்பினை கிளப்பியுள்ளது. மேலும் படத்தின் ஓபனிங் ஷோவிற்கான முன்பதிவு தொடங்கியதுமே விற்று தீர்ந்துள்ளது. இந்நிலையில் கரூர் மாநகராட்சிக்கு உட்பட்ட பகுதியில் உள்ள திரையரங்குகளில் ‘பீஸ்ட்’ படம் வெளியாகாது என்று தியேட்டர் உரிமையாளர்கள் அதிகாரப்பூர்வமாக அறிவித்துள்ளனர்.
விநியோகஸ்தர் தரப்பில் இருந்து கேட்ட தொகை கிடைக்காததே இதற்கு காரணம் என்று கூறப்படுகிறது. ஏற்கனவே ‘பீஸ்ட்’ படத்திற்கு குவைத் மற்றும் கத்தார் நாடுகளில் தடை விதிக்கப்பட்டுள்ளது குறிப்பிடத்தக்கது. இந்நிலையில் தமிழகத்திலும் ‘பீஸ்ட்’ படம் வெளியாவதில் சிக்கல் ஏற்பட்டுள்ளது ரசிகர்கள் மத்தியில் அதிர்ச்சியை ஏற்படுத்தியுள்ளது.
“பீஸ்ட்” படத்தின் டிக்கெட் விலை உயர்வு ! ரசிகர்கள் SHOCK..