சமந்தாவின் முன்னாள் கணவரான நடிகர்
நாக சைதன்யா
ஏப்ரல் 12ம் தேதி தன் காரில்
ஹைதராபாத்
சாலையில் சென்றார். அப்பொழுது
போலீசார்
அவரின் வாகனத்தை தடுத்து நிறுத்தி அபராதம் விதித்தார்கள்.
ஜுபிளி ஹில்ஸ் பகுதியில் டொயோட்டா வெல்ஃபையர் காரில் சென்றார் நாக சைதன்யா. அந்த கார் கண்ணாடியில் கருப்பு நிற ஃபிலிம் ஒட்டி உள்ளே இருப்பவர் வெளியே தெரியாதபடி இருந்தது. டின்டட் வின்டோஸ் பயன்படுத்துவது சட்டவிரோதமானது.
இதையடுத்து நாக சைதன்யாவுக்கு அபராதம் விதிக்கப்பட்டது. அவருக்கு ரூ. 700 அபராதம் விதித்ததாக போலீசார் தெரிவித்துள்ளனர். போலீசாருடன் நாக சைதன்யா இருக்கும் புகைப்படம் ஒன்று வெளியாகி சமூக வலைதளங்களில் வலம் வந்து கொண்டிருக்கிறது.
இதே காரணத்திற்காக கடந்த வாரம் நடிகர் அல்லு அர்ஜுனுக்கு அபராதம் விதிக்கப்பட்டது. மேலும் தெலுங்கு இயக்குநர் திரிவிக்ரம் ஸ்ரீனிவாஸுக்கும் போக்குவரத்கு போலீசார் அபராதம் விதித்தனர்.
மோட்டார் வாகன சட்டப்படி வாகனங்களில் கருப்பு நிற ஃபிலிம் ஒட்டுவதற்கு அனுமதி இல்லை. நிர்பயா வழக்கிற்கு பிறகு வி.ஐ.பி.க்களை தவிர வேறு யாரும் டின்டட் வின்டோஸ் பயன்படுத்த உச்ச நீதிமன்றம் தடை விதித்தது என்பது குறிப்பிடத்தக்கது.
Vijay:இதென்னய்யா விஜய்க்கு வந்த சோதனை: பயங்கர அதிர்ச்சி வீடியோ