விஜய்யின்
பீஸ்ட்
திரைப்படம் நேற்று வெளியாகி ரசிகர்களிடம் கலவையான விமர்சனங்களை பெற்று வருகின்றது. சில நாட்களுக்கு முன்புவரை இயக்குனர் நெல்சனை பாராட்டி வந்த ரசிகர்கள் இப்படத்தின் வெளியீட்டிற்கு பின்பு சற்று விமர்சனம் செய்து வருகின்றனர்.
ஏனென்றால் ரசிகர்கள் பீஸ்ட் படத்தின் மீது மிகுந்த எதிர்பார்ப்பில் இருந்தனர். .அந்த எதிர்பார்ப்பை இப்படம் பூர்த்தி செய்ய தவறியதை அடுத்து ரசிகர்கள் ஏமாற்றமடைந்தனர். இருப்பினும்
விஜய்
ரசிகர்களுக்கும் சில பொதுவான ரசிகர்கள் படம் பிடித்திருக்கத்தான் செய்கின்றது.
வலிமை வசூலை முந்தியதா பீஸ்ட் ? வெளியான முதல் நாள் வசூல் விவரம்..!
படத்தில் விஜய்யை செம ஸ்டைலிஷாகவும் மாஸாகவும்
நெல்சன்
காட்டியிருப்பது ரசிகர்களை கவர்ந்துள்ளது. இந்நிலையில் இப்படத்தை அடுத்து விஜய் வம்சி இயக்கத்தில் நடித்துவருகிறார். தளபதி 66 என்று அழைக்கப்பட்டு வரும் இப்படத்தில் ராஷ்மிகா நாயகியாக நடிக்க தமன் இசையமைக்கின்றார்.
தளபதி 66
சில நாட்களுக்கு முன்பு இப்படத்தின் படப்பிடிப்பு பூஜையுடன் துவங்கப்பட்டது. மேலும் தளபதி 66 படத்தின் பூஜையில் நடிகர்
சரத்குமார்
இடம்பெற்றிருந்தார். அதனைத்தொடர்ந்து நடிகர் சரத்குமார் தளபதி 66 படத்தில் நடிக்கின்றார் என்பது உறுதிசெய்யப்பட்டது.
விஜய்
இந்நிலையில் தற்போது நடிகர் சரத்குமாரின் கதாபாத்திரம் பற்றி ஒரு தகவல் வெளியாகியுள்ளது. அதாவது தளபதி 66 படத்தில் விஜய்க்கு தந்தையாக சரத்குமார் நடிப்பதாக தகவல் வந்துள்ளது. இதைத்தொடர்ந்து விஜய் மற்றும் சரத்குமார் சேர்ந்து நடிப்பது இதுவே முதல்முறை என்பதால் ரசிகர்களின் எதிர்பார்ப்பு அதிகரித்துள்ளது குறிப்பிடத்தக்கது.
Beast க்கு விஜய் கொடுத்த பூஸ்ட்; மனம் திறக்கும் நெல்சன்!