வெற்றிகரமான 15 வருட பயணம் : கொண்டாட்டத்தில் கீர்த்தி சாந்தனு
சின்னத்திரையின் பிரபல வீஜேக்களில் ஒருவர் கீர்த்தி. கிகி விஜய் என செல்லமாக அழைக்கப்படும் இவர் ஒரு நல்ல டான்சரும் கூட. ஒரு வீஜேவாக நிகழ்ச்சியை தொகுத்து வழங்குவதில் தனக்கென தனி ஸ்டைலை வைத்திருக்கும் கீர்த்தி, தனது வீஜே பயணத்தின் 15 வருடத்தை வெற்றிகரமாக கடந்துள்ளார். அவரது இந்த சாதனையை அண்மையில் ஜீ தமிழ் தொலைக்காட்சி சிறப்பித்து கொண்டாடி, நினைவு பரிசையும் வழங்கியுள்ளது.
அதன் புகைப்படங்களை பகிர்ந்துள்ள கிகி விஜய், 'இந்த 15 வருடங்களில் பல தடைகள், ஏற்ற இறக்கங்களை சந்தித்துள்ளேன். இந்த பயணம் எளிமையானதல்ல, எனினும் உங்கள் அன்பு, ஆதரவுடன் இந்த நிலையை எட்டியுள்ளேன். உங்கள் அன்பு ஆதரவில்லாமல் இந்த வெற்றி சாத்தியமல்ல' என அனைவருக்கும் நன்றி தெரிவித்து பதிவிட்டுள்ளார். அவரது இந்த சாதனைக்கு தற்போது சக தொலைக்காட்சி பிரபலங்கள், சினிமா பிரபலங்கள் மற்றும் ரசிகர்கள் வாழ்த்துகளை தெரிவித்து வருகின்றனர்.