இயக்குநர்
ஹரி
இயக்கத்தில் நடிகர்
அருண் விஜய்
நடிப்பில், பிரம்மாண்ட பட்ஜெட்டில், மிகப்பெரிய எதிர்பார்ப்பில் உருவாகியுள்ள படம் ‘
யானை
‘. கடந்த சில மாதங்களுக்கு முன்பாக இந்தப்படத்தின் டீசர் வெளியாகி ரசிகர்கள் மத்தியில் அமோக வரவேற்பை பெற்றது. இந்நிலையில் இந்தப்படத்தின் ரிலீஸ் குறித்த புதிய அப்டேட்டை வெளியிட்டுள்ளனர் படக்குழுவினர்.
அருண் விஜய்,நாயகனாக நடிக்கும் ‘யானை’ படத்தில் அவருக்கு ஜோடியாக ப்ரியா பவானிசங்கர் நடித்துள்ளார். மேலும் இப்படத்தில் சமுத்திரகனி, யோகிபாபு, ராதிகா சரத்குமார், KGF புகழ் கருடா ராம், ராஜேஷ்,
அம்மு அபிராமி
, ஜெயபாலன், புகழ், போஸ்வெங்கட், தலைவாசல் விஜய், இமான் அண்ணாச்சி, ஐஸ்வர்யா, ரமா ஆகியோரும் முக்கிய கதாபாத்திரங்களில் நடிக்கின்றனர்.
இயக்குனர் ஹரியின் இயக்கத்தில் அருண் விஜய் நடிப்பில் உருவாகி வரும் இந்தப்படத்தின் படப்பிடிப்பு கடந்த ஆண்டு மார்ச் மாதம் துவங்கியது. இந்த படத்தின் முதற்கட்ட படப்பிடிப்பு பழனியில் துவங்கி நடைபெற்ற நிலையில் திடீரென இயக்குனர் ஹரிக்கு ஏற்பட்ட உடல் நலக்குறைவு காரணமாக படப்பிடிப்பு நிறுத்தப்பட்டது. அதனை தொடர்ந்து கொரோனா தாக்கத்தால் பலமுறை ஒத்தி வைக்கப்பட்டது இதன் படப்பிடிப்பு.
அஜித், விஜய்யை தொடர்ந்து ரஜினியை சீண்டும் மாறன்: அடுத்து என்னலாம் நடக்க போகுதோ.!
இந்நிலையில் ‘யானை’ படத்தின் ரிலீஸ் தேதி மே 6 ஆம் தேதி என கடந்த சில நாட்களுக்கு முன்னர் அறிவிக்கப்பட்ட நிலையில் தற்போது விநியோகிஸ்தர்கள் மற்றும் திரையரங்கு உரிமையாளர்களின் வேண்டுகோளுக்கு இணங்க ஜூன் 17ஆம் தேதி என ரிலீஸ் தேதி மாற்றப்பட்டுள்ளதாக படக்குழுவினர் அதிகாரப்பூர்வமாக அறிவித்துள்ளனர்.
ஏற்கனவே அருண் விஜய்யின் அக்னி சிறகுகள், பார்டர், சினம் போன்ற படங்கள் இன்னும் ரிலீசாகாமல் கிடப்பிலேயே கிடக்கிறது. இந்நிலையில் தற்போது ‘யானை’ படத்தின் ரிலீஸும் ஒரே அடியாக ஒரு மாதம் தள்ளி வைக்கப்பட்டுள்ளது ரசிகர்கள் மத்தியில் அதிர்ச்சியை ஏற்படுத்தியுள்ளது. இதனிடையில் ஏப்ரல் 21 ஆம் தேதி அருண் விஜய்யின் ‘ஓ மை டாக்’ படம் அமேசான் ப்ரைம் தளத்தில் வெளியாகவுள்ளது குறிப்பிடத்தக்கது.
பயமா இருக்கா? “பீஸ்ட்” தியேட்டரை அலறவிட்ட ரசிகர்கள்!