இலங்கைத் தமிழர்களுக்கு அத்தியாவசியப் பொருட்களை அனுப்புவதற்கு விரைவில் உரிய வசதியை செய்து தருமாறு வெளியுறவுத்துறை அமைச்சர் ஜெய்சங்கருக்கு முதலமைச்சர் மு.க.ஸ்டாலின் கோரிக்கை விடுத்துள்ளார்.
இது குறித்து முதலமைச்சர் எழுதியுள்ள கடிதத்தில், தூத்துக்குடி துறைமுகத்தில் இருந்து உணவு தானியங்கள், காய்கறிகள், மருந்துகள் உள்ளிட்ட அத்தியாவசியப் பொருட்களை அனுப்புவதற்கு வசதியை செய்து தருமாறு வலியுறுத்தி உள்ளார்.
கடும் உணவுத் தட்டுப்பாட்டால் சிக்கித் தவிக்கும் இலங்கையின் வடக்கு மற்றும் கிழக்குப் பகுதிகளிலும், கொழும்புவில் வாழும் இலங்கைத் தமிழர்களுக்கும்,பொருட்களை அனுப்ப தமிழ்நாடு அரசு உறுதியோடு உள்ளதாக முதலமைச்சர் கூறியுள்ளார்.