உதயநிதியின் ‘நெஞ்சுக்கு நீதி’ திரைப்படத்தின் வெளியீட்டு தேதியை தயாரிப்பாளர் போனி கபூர் தனது ட்விட்டர் பக்கத்தில் அதிகாரப்பூர்வமாக அறிவித்துள்ளார்.
அனுபவ் சின்ஹாவின் இயக்கம் மற்றும் தயாரிப்பில், ஆயுஷ்மான் குர்ரானா நடிப்பில், கடந்த 2019-ம் ஆண்டு வெளியான படம் ‘ஆர்டிக்கள் 15’. இந்தியில் வெளியான இந்தப் படத்திற்கு விமர்சன ரீதியாகவும், வசூல் ரீதியாகவும் மாபெரும் வரவேற்பு கிடைத்தது. இதனைத்தொடர்ந்து, ‘ஆர்டிக்கள் 15’ படம், ‘நெஞ்சுக்கு நீதி’ என்ற பெயரில் தமிழில் ரீமேக் செய்யப்பட்டு வருகிறது.
தமிழில் இந்தப் படத்தை அருண்ராஜா காமராஜ் இயக்க, உதயநிதி ஸ்டாலின் நாயகனாக நடித்துள்ளார். தான்யா ரவிச்சந்திரன், ஷிவானி ராஜசேகர், ஆரி உள்ளிட்ட பலரும் முக்கிய கதாபாத்திரங்களில் நடிக்கின்றனர்.
இந்தப்படத்தைப் போனி கபூர் மற்றும் ஜீ ஸ்டூடியோஸ் நிறுவனம் இணைந்து வழங்க, ரோமியோ பிக்சர்ஸ் நிறுவனம் தயாரிக்கிறது. படத்தின் டீசர் கடந்த மாதம் வெளியாகி வரவேற்பை பெற்றது. இந்நிலையில், ‘நெஞ்சுக்கு நீதி’ திரைப்படத்தின் வெளியீட்டு தேதியை தயாரிப்பாளர் போனி கபூர் வெளியிட்டுள்ளார். அதன்படி, மே 20-ம் தேதி இந்தப் படம் திரையரங்குகளில் வெளியாகிறது.
Mark the date! #NenjukuNeedhi is coming to the big screens on May 20, 2022! #BornEqual@ZeeStudios_ @Udhaystalin @BayViewProjOffl #RomeoPictures @mynameisraahul @RedGiantMovies_ @Arunrajakamaraj @actortanya @Aariarujunan @dineshkrishnanb @dhibuofficial @AntonyLRuben pic.twitter.com/dzGAT1Du1j
— Boney Kapoor (@BoneyKapoor) April 16, 2022