ரஜினியின் ‘அண்ணாத்த’ படம் பலவித நெகட்டிவ் விமர்சனங்களை தாண்டி பாக்ஸ் ஆபிஸில் வசூல் சாதனையை படைத்தது. ஆனாலும் ரஜினி ரசிகர்களுக்கு இந்தப்படம் பலத்த ஏமாற்றத்தை அளித்தது. இதனை தொடர்ந்து ரஜினியின் அடுத்த பட இயக்குனர்களின் பட்டியலில் பல இளம் டைரக்டர்களின் பெயர்கள் அடிப்பட்டது.
இந்நிலையில் யாரும் எதிர்பார்க்காத விதமாக கடந்த சில மாதங்களுக்கு முன்பாக ரஜினியின் ‘
தலைவர் 169
‘ பட அப்டேட் வெளியானது. சன் பிக்சர்ஸ் தயாரிப்பில் அனிருத் இசையில் தனது 169 ஆவது படத்தில் நடிக்கவுள்ளார் ரஜினி. கோலமாவு கோகிலா, டாக்டர்,
பீஸ்ட்
படங்களின் இயக்குனருடன் ரஜினி இணைந்துள்ளது ரசிகர்கள் மத்தியில் மிகப்பெரிய எதிர்பார்ப்பினை கிளப்பியுள்ளது.
இந்நிலையில் கடந்த வாரம் புதன்கிழமை நெல்சன் இயக்கிய ‘பீஸ்ட்’ படம் வெளியானது. இந்தப்படத்தை
விஜய்
ரசிகர்கள் கொண்டாடி வந்தாலும் பலவிதமான நெகட்டிவ் விமர்சனங்களும் குவிந்து வருகிறது. நெல்சன் திரைக்கதை அமைப்பில் சொதப்பி விட்டதாகவும் விமர்சனம் எழுந்துள்ளது. பீஸ்ட்டை தொடர்ந்து ‘தலைவர் 169’ படத்தை இயக்கவுள்ளார்
நெல்சன் திலீப்குமார்
.
கமல் விஷயத்துல அப்படியெல்லாம் நடக்க வாய்ப்பே இல்லை: ரசிகர்கள் நம்பிக்கை..!
விஜய்யை தொடர்ந்து அடுத்து நீங்கதான் மாட்டுனீங்க என ரஜினி ரசிகர்களை கண்டமேனிக்கு கலாய்த்து வருகின்றனர் நெட்டிசன்கள். ‘தலைவர் 169’ பட வாய்ப்பு கிடைக்க காரணமே விஜய்தான். ‘பீஸ்ட்’ பட ஷுட்டிங்கின் போதே ரஜினி சாரை வைத்து நீங்க படம் பண்ணால் நல்லாருக்கும் என விஜய் சொன்னதாக பேட்டி ஒன்றில் தெரிவித்திருந்தார் நெல்சன்.
அதே போல் ‘அண்ணாத்த’ பட வெளியீட்டின் போதும், அஜித் தான் ரஜினி சாரை வைத்து நீங்க படம் பண்ணுங்கள் என கூறியதாக தெரிவித்திருந்தார் இயக்குனர் சிவா. இதனை நெட்டிசன்கள் கலாய்த்து வருகின்றனர். திட்டம் போட்டு விஜய், அஜித் இருவரும் தலைவர் மாட்டிவிட்டு விட்டதாக மீம்ஸ் போட்டு கிண்டலடித்து வருகின்றனர். இந்த மீம்ஸ்கள் இணையத்தில் வைரலாகி வருகிறது.
வீட்டின் முன் குவிந்த ரசிகர்கள், வாழ்த்து தெரிவித்த ரஜினி…!