இந்தியாவில் நம்பகத்தன்மை மிக்க நிறுவனமாக மாறி இருக்கும் சியோமி, தொடர்ந்து அனைத்து தரப்பு பயனர்களின் தேவைகளையும் பூர்த்தி செய்யும் வகையில் ஸ்மார்ட்போன்களை அறிமுகம் செய்து வருகிறது. அந்த வகையில், இன்று இரண்டு ஸ்மார்ட்போன்களை அறிமுகம் செய்துள்ளது.
கடந்த மாதம் நிறுவனம்
ரெட்மி
10 ஸ்மார்ட்போனை இந்திய சந்தையில் அறிமுகப்படுத்தியது. அதிக திறன் கொண்ட பட்ஜெட் ஸ்மார்ட்போனாக அது பார்க்கப்பட்டது. இந்நிலையில்,
Redmi 10A
,
Redmi 10 Power
ஆகிய இரு ஸ்மார்ட்போன்களை அறிமுகம் செய்துள்ளது.
இந்த ஸ்மார்ட்போன்கள் பழைய ரெட்மி 9ஏ, ரெட்மி 9 பவர் ஸ்மார்ட்போன்களின் மேம்பட்ட பதிப்பாகும். இதில்
ரெட்மி 10 பவர்
ஸ்மார்ட்போனில் 8GB ரேம், ஸ்னாப்டிராகன் 6 சீரிஸ் புராசஸர் வழங்கப்பட்டுள்ளது.
வெறும் 200 ரூபாய்க்கு 14 OTT தளங்கள் – ஜியோ அறிவித்த அதிரடி திட்டம்!
ரெட்மி 10ஏ சிறப்பம்சங்கள் (Redmi 10A Specifications)
புதிய ரெட்மி பட்ஜெட் 10ஏ ஸ்மார்ட்போனில் 6.53″ எச்டி+ LCD டிஸ்ப்ளே வழங்கப்பட்டுள்ளது. இது ஒரு வாட்டர் டிராப் நாட்ச் டிஸ்ப்ளே ஆகும். ஆண்ட்ராய்டு 11 அடிப்படையிலான MIUI 12.5 ஸ்கின் இதில் நிறுவப்பட்டுள்ளது.
MediaTek ஹீலியோ ஜி25 சிப்செட் இதில் பயன்படுத்தப்பட்டுள்ளது. மேலும், 4GB ரேம், 64GB ஸ்டோரேஜ் மெமரி இதில் கொடுக்கப்பட்டுள்ளது. நீட்டிக்கக்கூடிய விர்ச்சுவல் ரேம், ஸ்டோரேஜ் மெமரியை நீட்டிக்க எஸ்டி கார்டு ஸ்லாட் ஆகிய ஆதரவும் உள்ளது.
கேமராவைப் பொருத்தவரை, 13MP மெகாபிக்சல் AI கேமரா பிளாஷ் லைட்டுடன் நிறுவப்பட்டுள்ளது. செல்பி, வீடியோ அழைப்புகளுக்காக 5MP மெகாபிக்சல் கேமரா வழங்கப்பட்டுள்ளது. போனை சக்தியூட்ட 5,000mAh பேட்டரியும், அதனை ஊக்குவிக்க 10W பாஸ்ட் சார்ஜிங் ஆதரவும் கொடுக்கப்பட்டுள்ளது.
ரெட்மி 10 பவர் சிறப்பம்சங்கள் (Redmi 10 Power Specifications)
பவர்ஃபுல் பட்ஜெட் ரெட்மி போனான ரெட்மி 10 பவர் ஸ்மார்ட்போனில், 6.7″ அங்குல எச்டி+ பெரிய டிஸ்ப்ளே இருக்கிறது. வாட்டர் டிராப் நாட்ச் உடன் வரும் இந்த டிஸ்ப்ளே 400nits நிட்ஸ் வரை பிரைட்னஸை ஆதரிக்கிறது. இதிலும், ஆண்ட்ராய்டு 11 அடிப்படையிலான MIUI 12.5 ஸ்கின் இதில் நிறுவப்பட்டுள்ளது.
Qualcomm 6 நானோமீட்டர் ஸ்னாப்டிராகன் 680 புராசஸர் கொண்டு இந்த ஸ்மார்ட்போன் இயக்கப்படுகிறது. நீட்டிக்கக்கூடிய 8GB ரேம், 128GB ஸ்டோரேஜ் மெமரி இதில் கொடுக்கப்பட்டுள்ளது. இந்த ஸ்மார்ட்போனில் கைரேகை சென்சார் பின்பக்க கேமரா அமைப்பில் உள்ளது.
108MP மெகாபிக்சல் கேமராவுடன் காத்திருக்கும் சாம்சங்கின் பட்ஜெட் ஸ்மார்ட்போன்!
புதிய ரெட்மி பவர் கேமராவைப் பொருத்தவரை, 50MP மெகாபிக்சல் முதன்மை சென்சார், 2MP மெகாபிக்சல் போர்ட்ரெய்ட் சென்சார் பிளாஷ் லைட்டுடன் நிறுவப்பட்டுள்ளது. செல்பி, வீடியோ அழைப்புகளுக்காக 5MP மெகாபிக்சல் கேமரா வழங்கப்பட்டுள்ளது. போனை சக்தியூட்ட 6,000mAh பேட்டரியும், அதனை ஊக்குவிக்க 18W பாஸ்ட் சார்ஜிங் ஆதரவும் வழங்கப்பட்டுள்ளது.
ரெட்மி 10ஏ, ரெட்மி 10 பவர் விலை விவரங்கள் (Redmi 10A and Redmi 10 power Price in India)
Redmi 10A இரண்டு ரேம் ஆப்ஷன்கள் உடன் வெளியாகியுள்ளது. Redmi 10A 3GB + 32GB வகையின் விலை ரூ.8,499 ஆகவும், 4GB + 64GB வகையின் விலை ரூ.9,499 ஆகவும் நிர்ணயம் செய்யப்பட்டுள்ளது. சார்கோல் பிளாக், Sea ப்ளூ, ஸ்லேட் கிரே ஆகிய மூன்று வண்ணத் தேர்வுகளில் கிடைக்கும். இந்த ஸ்மார்ட்போன் ஏப்ரல் 26 முதல் விற்பனைக்கு வருகிறது. அமேசான் இந்தியா, சியோமியின் பிரத்யேக இணையதளம் மூலம் ஸ்மார்ட்போனை ஆர்டர் செய்து பெற்றுக் கொள்ளலாம்.
மறுபுறம், ரெட்மி 10 பவர் 8 ஜிபி ரேம், 128 ஜிபி ஸ்டோரேஜ் மெமரியுடன் ஒரே வேரியன்டில் வருகிறது. இதன் விலை ரூ.14,999 ஆக நிர்ணயம் செய்யப்பட்டுள்ளது. ஸ்மார்ட்போன் பவர் பிளாக், ஸ்போர்ட்டி ஆரஞ்சு என இரண்டு வண்ண விருப்பங்களில் கிடைக்கும். இந்த ஸ்மார்ட்போனின் விற்பனை தேதி குறித்து Xiaomi தகவல் வெளியிடவில்லை.