அசோக் செல்வனை பார்த்தால் பொறாமையாக இருக்கிறது : சதீஷ்
டிரைய்டன் ஆர்ட்ஸ் சார்பில் ஆர்.ரவீந்திரன் தயாரித்துள்ள படம் ஹாஸ்டல். சுமந்த் ராதாகிருஷ்ணன் இயக்கி உள்ளார். அசோக் செல்வன், பிரியா பவானி சங்கர், சதீஷ், ரவிமரியா நடித்துள்ளனர். போபோசசி இசை அமைத்துள்ளார். பிரவீன்குமார் ஒளிப்பதிவு செய்துள்ளர்.
படத்தின் அறிமுக நிகழ்ச்சியில் சதீஷ் பேசியதாவது: ரொம்ப ஜாலியா வேலை பார்த்த படம். எல்லோரும் வாழ்க்கையில் அனுபவித்த கதைதான். நான் ஹாஸ்டலில் படித்ததில்லை. ஆனால் நண்பன் ஹாஸ்டல் போய் தங்கியிருக்கிறேன். அந்த நினைவுகளை இந்தப் படம் தூண்டிவிடும்.
அசோக் செல்வன் நடித்த ஒரு படம் சமீபத்தில்தான் (மன்மதலீலை) வெளியானது. இப்போ அடுத்த படத்தோடு வந்து விட்டார். அவர் மூன்று நாயகிகளோடு நெருக்கமாக நடிப்பதை பார்க்க பொறாமையாக இருக்கிறது. பிரியா நெருங்கிய தோழியாக மாறிவிட்டார். நாசர் மகளிர் மட்டும் படத்திற்கு பிறகு நல்ல காமெடியோடு நடித்துள்ளார். என்றார்.