நீங்கள் தொடர்ந்து ஸ்மார்ட்போன் பயன்படுத்துபவர்களாக இருந்தால், அதில் நீங்கள் சிறப்பு கவனம் செலுத்த வேண்டும். ஸ்மார்ட்போன்களில் கழிப்பறை இருக்கைகளை விட 10 மடங்கு அதிகமான பாக்டீரியாக்கள் இருப்பதாக ஆய்வுகள் தெரிவிக்கின்றன.
அதுமட்டுமின்றி, உங்கள் ஸ்மார்ட்போன் கழிப்பறை இருக்கையை விட மோசமானதாகவும், கிருமிகள் நிறைந்ததாகவும் இருப்பதாகவு ஒரு ஆய்வறிக்கை மூலம் தெரியவந்துள்ளது. இதில், சில பாக்டீரியாக்கள் மிகவும் தீங்கு விளைவிப்பதாக இருக்கின்றன.
இன்பினிக்ஸ் இந்தியாவின் தலைமை நிர்வாக அலுவலர் அனிஷ் கபூர் தனது ட்விட்டர் பக்கத்தில் இதுகுறித்து பதிவிட்டுள்ளார். இதைக் கருத்தில் கொண்டு, இன்பினிக்ஸ் அதன் மலிவு விலையில்
இன்பினிக்ஸ் ஸ்மார்ட் 6
ஸ்மார்ட்போனை அறிமுகப்படுத்த உள்ளதாகவும் தெரிவித்துள்ளார். பாக்டீரியா எதிர்ப்பு பேனல் கொண்ட முதல் ஸ்மார்ட்போன் இதுவாக இருக்கும் என்று அவர் அதில் குறிப்பிட்டுள்ளார்.
அடிக்குற வெயிலுக்கு ஏசி வேணும் தான் – அதுக்காக இதெல்லாம் தெஞ்சுக்காம இருக்கக் கூடாது!
இன்பினிக்ஸ் ட்வீட்
அவர் தனது ட்விட்டில், “இன்பினிக்ஸ் நிறுவனம் புதிய மலிவு விலை ஸ்மார்ட்போனை அறிமுகப்படுத்த உள்ளது. இது பாக்டீரியா எதிர்ப்பு பேனலுடன் வரும். டெக் துறையில் இதுபோன்ற போன்கள் இதுவரை வந்ததில்லை. முதல் ஆண்டி பாக்டீரியல் போன் இதுவாகும்.
இதற்காக போன் பல கட்ட சோதனைகளை கடந்து வந்துள்ளது. இந்த போனின் பின்பக்க பேனலில் சில்வர் அயன் படர்த்தப்பட்டுள்ளது. இது பாக்டீரியா எதிர்த்து அழிக்கும் சக்தியை உருவாக்குகிறது,” என்று தனது பதிவில் வெளியாக இருக்கும் புதிய
Infinix Smart 6
ஸ்மார்ட்போன் குறித்து தெரிவித்துள்ளார்.
Alert: இந்த 4 எழுத்துகள் இருந்தால் அலர்ட்! போஸ்புக் மெசஞ்சரில் சுழலும் ஆபத்து!
இன்பினிக்ஸ் ஸ்மார்ட் 6 சிறப்பம்சங்கள் (Infinix Smart 6 Specifications)
அனிஷ் போனின் புகைப்படத்தையும் ட்விட்டரில் பகிர்ந்துள்ளார். கழிப்பறை இருக்கைகளை விட ஸ்மார்ட்போனில் 10 மடங்கு அதிக பாக்டீரியாக்கள் இருப்பதாகவும், அதனை சரிசெய்ய புதிய போனை இன்பினிக்ஸ் அறிமுகம் செய்கிறது எனவும் அந்த ட்வீட்டில் குறிப்பிடப்பட்டுள்ளார்.
கிடைத்த கூடுதல் தகவல்களின்படி, புதிய ஸ்மார்ட்போனின் பின்புற பேனலில் மூன்று கேமராக்கள் கொண்ட அமைப்பு இருக்கும் என்றும் பின்பக்கத்தில் கைரேகை சென்சாரும் கொடுக்கப்பட்டிருக்கும் எனவும் தெரியவந்துள்ளது. இந்த ஸ்மார்ட்போனானது, ஏப்ரல் மாத இறுதிக்குள் அறிமுகப்படுத்தப்படலாம் என்று எதிர்பார்க்கப்படுகிறது. கூடுதல் தகவலாக, இன்பினிக்ஸ் நிறுவனம் இந்த ஆண்ட்ராய்டு ஆண்டி பாக்டீரியல் ஸ்மார்ட்போனை மலிவான விலைக்குக் கொண்டு வரும் என்று நம்பப்படுகிறது.
அந்த மாதிரி படங்களை மறைக்கும் ஆப்பிள்!
போன்களில் இருக்கும் பாக்டீரியாக்கள் என்னென்ன நோய்களை ஏற்படுத்தும்?
ஆய்வு முடிவுகளின்படி, ஸ்மார்ட்போனில் ஈ.கோலி பாக்டீரியா இருக்குமாம். இது உணவு செரிமானம் கோளாறு, வயிற்றுப்போக்கு போன்ற நோய்களுக்கு வழிவகுக்கும். அதுமட்டுமின்றி, சில பாக்டீரியாக்கள் உங்கள் சருமத்தையும் பாதிக்கலாம் என்று தெரியவந்துள்ளது. மேலும், பலத்தரப்பட்ட கிருமிகளால் பல விதமான நோய்கள் வரலாம் என்றும் கூறப்படுகிறது.
ஸ்மார்ட்போன் பயன்பாடு குறித்த உங்களின் கருத்துகளை கீழே பதிவிடவும்