மக்களால் பெரிதும் எதிர்பார்க்கப்பட்ட
Xiaomi Pad 5
இந்தியாவில் வெளியிடப்பட்டது. குறைந்த விலையில் அதிக அம்சங்களுடன் வெளியாகும் என எதிர்பார்க்கப்பட்டிருந்த நிலையில், அந்த எதிர்பார்ப்பை சீனாவின் Xiaomi நிறுவனம் சமரசம் இல்லாமல் பூர்த்தி செய்துள்ளது.
ஏப்ரல் 1 ஆம் தேதி இந்த டேப்லெட் வெளியாகும் என எதிர்பார்க்கப்பட்டிருந்த நிலையில், ஏப்ரல் 27 ஆம் தேதியான இன்று இந்த புதிய
சியோமி பேட் 5
டேப்லெட் வெளியிடப்பட்டுள்ளது. சந்தையில் இருக்கும் டேப்லெட்டுகளை ஓரங்கட்டும் அளவிற்கு புதிய
சியோமி
டேப்லெட் பல முக்கிய அம்சங்களைக் கொண்டுள்ளது.
அதிக டேப்லெட் வாடிக்கையாளர்களை கையில் வைத்திருக்கும் சாம்சங் நிறுவனத்தின் தயாரிப்புகளுக்கு நேரடி போட்டியாக தனது டேப்லெட்டை களமிறக்க்கி உள்ளது.
Qualcomm Snapdragon 860
சிப்செட், 120Hz ஹெர்ட்ஸ் டிஸ்ப்ளே, டால்பி அட்மாஸ் ஸ்பீக்கர்ஸ் என பட்ஜெட் வகை டேப்லெட்டில் இல்லாத பல அம்சங்கள் இதில் உள்ளன.
இனி சுதந்திரமாகப் பேசலாம் – ட்விட்டர் கடந்து வந்த பாதை!
சியோமி பேட் 5 அம்சங்கள் (Xiaomi Pad 5 Specifications)
சியோமி பேட் 5 டேப்லெட் 11″ இன்ச் WQHD+ LCD டிஸ்ப்ளேவைக் கொண்டிருக்கும். இந்த டிஸ்ப்ளே 1600×2560 பிக்சல் ரெசலியூஷன் வரை ஆதரவளிக்கும். DCI-P3, Dolby Vision ஆதரவையும் இந்த டிஸ்ப்ளே கொண்டிருக்கும். 120Hz ஹெர்ட்ஸ் ரெப்ரெஷ் ரேட் ஆதரவும், இதன் திரை அடர்த்தி 275ppi ஆகவும் இருக்கிறது.
குவால்காம் ஸ்னாப்டிராகன் 860 சிப்செட் கொண்டு இந்த டேப்லெட் இயக்கப்படும். Android 12 அடிப்படையிலான MIUI 13 ஸ்கின் இதில் நிறுவப்பட்டிருக்கும். ஸ்னாப்டிராகன் 8 சீரிஸ் சிப்செட் உடன் வெளியாகும் முதல் பட்ஜெட் டேப்லெட் இதுவாக இருக்கிறது.
சியோமி பேட் 5 கேமரா (Xiaomi Pad 5 Camera)
கேமராவைப் பொருத்தவரை பின்பக்கம் 13MP மெகாபிக்சல் லென்ஸ் இதில் கொடுக்கப்பட்டிருக்கும். செல்பி, வீடியோ அழைப்புகளுக்காக 8MP மெகாபிக்சல் லென்ஸ் இதன் டிஸ்ப்ளே பொசலில் பொருத்தப்பட்டுள்ளது.
ஜிபிஎஸ், கைரோகை சென்சார்களும் இதில் கொடுக்கப்பட்டுள்ளது. ப்ளூடூத் 5.1, WiFi, USB டைப் சி போன்ற இணைப்பு ஆதரவுகளையும் இந்த டேப்லெட் கொண்டுள்ளது. மொத்தம் 4 ஸ்பீக்கர்கள் உடன் சிறந்த Dolby Atmos ஒலி ஆதரவையும் இந்த டேப்லெட் பெற்றுள்ளது.
ஸ்மார்ட் ஸ்பீக்கரில் Facetime கேமராவைக் கொண்டுவரும் ஆப்பிள்!
சியோமி பேட் 5 பேட்டரி (Xiaomi Pad 5 Battery)
அதிகமான வேலைகளை மேற்கொள்ள இதன் திறன் போதுமானதாக இருக்கிறது. ரேம் மெமரியாக 6GB LPDDR4X RAM ஆதரவு வழங்கப்படும். மேலும், 128GB, 256GB UFS 3.1 ஸ்டோரேஜ் மெமரியும் கொடுக்கப்படுகிறது. பேட்டரி திறன் 8720mAh ஆக இருக்கும். இதனை ஊக்குவிக்க 33W பாஸ்ட் சார்ஜிங் ஆதரவு கொடுக்கப்படும்.
சியோமி பேட் 5 விலை (Xiaomi Pad 5 Price)
காஸ்மிக் கிரே நிறத்தில் இந்த டேப்லெட் விற்பனைக்கு கொண்டு வரப்படுகிறது. இதன் விலையைப் பொருத்தவரை இந்தியாவில் 6GB+128GB வேரியண்ட் ரூ.37,999 ஆக நிர்ணயம் செய்யப்பட்டுள்ளது. இதன் 6GB+256GB வகை ரூ.39,999 ஆக உள்ளது. அறிமுக சலுகையாக அடிப்படை வகை டேப்லெட் ரூ.24,999க்கும், டாப் வேரியண்ட் ரூ.26,999க்கும் விற்பனைக்குக் கொண்டுவரப்படுகிறது.
சியோமி இந்தியா, அமேசான் இந்தியா ஷாப்பிங் தளத்தில் இருந்து இந்த டேப்லெட்டை பயனர்கள் வாங்க முடியும். கூடுதல் அறிமுக தின சலுகைகள் இருக்கும் என்று தெரிவிக்கப்பட்டுள்ளது. மே 3 ஆம் தேதி பகல் 12 மணி முதல் இந்த டேப்லெட்டின் முதல் விற்பனை தொடங்குகிறது.