சமந்தாவின் பிறந்தநாளில் வெளியான சாகுந்தலம் படத்தின் புதிய போஸ்டர்
தெலுங்கில் சாகுந்தலம், யசோதா என்ற இரண்டு படங்களில் கதையின் நாயகியாக நடித்து வருகிறார் சமந்தா. இந்நிலையில் இன்று சமந்தா தனது பிறந்தநாளை கொண்டாடுகிறார். இதையடுத்து அவருக்கு திரைப்பட துறையினரும், ரசிகர்களும் பிறந்தநாள் வாழ்த்துக்களை தெரிவித்து வருகிறார்கள். அதோடு, சாகுந்தலம் படக்குழுவும் அவருக்கு பிறந்தநாள் வாழ்த்து தெரிவித்ததோடு படத்தின் புதிய போஸ்டர் ஒன்றையும் இன்றைய தினம் வெளியிட்டுள்ளது. குணசேகர் எழுதி இயக்கும் இந்த படத்தில் தேவ் மோகன் முக்கிய வேடத்தில் நடிக்கிறார். அதோடு அல்லு அர்ஜுனின் மகள் அல்லு அர்ஹா இந்தப் படத்தில் அறிமுகமாகிறார். சமந்தா நடிக்கும் சாகுந்தலம் வேடத்தில் குழந்தை நட்சத்திரமாக அல்லு அர்ஜுனின் மகள் தான் நடித்துள்ளார் என்பது குறிப்பிடத்தக்கது.