இந்திய சினிமாவில் பிரபல நடிகையாக வலம் வருபவர் நடிகை
ரம்யா கிருஷ்ணன்
. தமிழ், தெலுங்கு, மலையாளம், கன்னடம் மற்றும் இந்தி என 5 மொழிகளில் 260 படங்களுக்கு மேல் நடித்துள்ளார் ரம்யா கிருஷ்ணன்.
5 மொழிகளிலும் டாப் நடிகர்களின் படங்களில் நடித்துள்ளார் ரம்யா கிருஷ்ணன். தற்போதும் வெயிட்டான கதாப்பாத்திரங்களை ஏற்று நடித்து வருகிறார் ரம்யா கிருஷ்ணன். படையப்பா படத்தில் நடிகர் ரஜினிகாந்துக்கு வில்லியாக மிரட்டலான நடிப்பை வெளிப்படுத்தியிருந்தார்.
ஏன் மேடம் போனீங்க? அதையே கேட்டு ஐஸ்வர்யாவை தர்ம சங்கடமாக்கும் தனுஷ் ஃபேன்ஸ்!
அந்தப் படம் அவரது சினிமா கெரியரில் முக்கிய இடத்தை பெற்றிருந்த நிலையில் எஸ்எஸ் ராஜமவுலி இயக்கத்தில் வெளியான பாகுபலி சீரிஸ் படங்களின் மூலம் பெரும் பிரபலமானார். பாகுபலி சீரிஸ் படங்களில் ராஜமாதாவாக அவரது நடிப்பு பிரமிக்க வைத்தது.
இந்நிலையில் ஐக்கிய அரபு அமீரக அரசு கோல்டன் விசாவை வழங்கி நடிகை ரம்யா கிருஷ்ணனை கவுரவித்துள்ளது. நடிகைகள் த்ரிஷா, மீனா, நடிகர்கள் பார்த்திபன், விஜய் சேதுபதி உள்ளிட்ட பலரும் ஐக்கிய அரபு அமீரகத்தின் கோல்டன் விசாவை பெற்றுள்ள நிலையில் தற்போது நடிகை ரம்யா கிருஷ்ணனும் அந்த பட்டியலில் இடம் பிடித்துள்ளார்.
அச்சச்சோ… பாரதி கண்ணம்மா சீரியலில் இருந்து திடீரென விலகும் சவுந்தர்யா… இனி இவர்தானாம்!
இதனை நடிகை ரம்யா கிருஷ்ணன் தனது டிவிட்டர் பக்கத்தில் தெரிவித்துள்ளார். இதுதொடர்பான அவரது இன்ஸ்டா பதிவில், தனக்கு
கோல்டன் விசா
பெற்று தந்த ஜேபிஎஸ் குரூப் நிறுவனத்திற்கும் நன்றி தெரிவித்துள்ளார். மேலும் கோல்டன் விசாவுடன் உள்ள போட்டோவையும் ஷேர் செய்துள்ளார் ரம்யா கிருஷ்ணன்.