நடிகர்
அஜித்
, எச்.வினோத், போனி கபூர் கூட்டணியில் கடந்த 2019 ஆம் ஆண்டு வெளியான நேர்கொண்ட பார்வை படம் மாபெரும் வரவேற்பை பெற்றது. அதனை தொடர்ந்து இரண்டாவது முறையாக கிட்டத்தட்ட மூன்றாண்டுகள் கழித்து அதே கூட்டணியில் கடந்த பிப்ரவரி மாதம் ‘வலிமை’ படம் வெளியானது.
கடந்த பிப்ரவரி மாதம் வெளியான ‘வலிமை’ படம் வசூலில் சக்கை போடு போட்டாலும், ரசிகர்களின் எதிர்பார்ப்பினை முழுவதுமாக பூர்த்தி செய்யவில்லை. மேலும் இந்தப்படத்தில் அஜித்தின் லுக் மிக மோசமாக விமர்சிக்கப்பட்டது. வலிமையை தொடர்ந்து ‘
ஏகே 61
’ படத்தில் மூன்றாவது முறையாக வினோத், போனி கபூர், அஜித் மூவரும் இணைய உள்ளனர்.
இதனை தொடர்ந்து அஜித்தின் 62 வது படத்தின் அதிகாரப்பூர்வ அறிவிப்பு அண்மையில் வெளியானது. அதன்படி லைகா நிறுவனம் தயாரிக்கவுள்ள ‘
ஏகே 62
’ படத்தை விக்னேஷ் சிவன் இயக்கவுள்ளார். அனிருத் இசையமைக்கவுள்ளார். இந்த வருட இறுதியில் இதன் படப்பிடிப்பு துவங்கும் என தெரிவித்துள்ளனர்.
விஸ்வரூபம் எடுக்கும் இந்தி திணிப்பு எதிர்ப்பு: இயக்குனர் பா.ரஞ்சித் பரபரப்பு பேட்டி..!
இந்நிலையில் அஜித்தின் 63 படத்தின் தகவல் வெளியாகி இணையத்தில் வைரலாகி வருகிறது. இந்தப்படத்தை
சிறுத்தை சிவா
இயக்கவுள்ளதாக தகவல்கள் வெளியாகியுள்ளது. வீரம், விவேகம், விஸ்வாசம் படத்தை தொடர்ந்து நான்காவது முறையாக அஜித் – சிவா கூட்டணி இந்தப்படத்தில் இணையவுள்ளதாக கூறப்படுகிறது. மேலும் சன் பிக்சர்ஸ் நிறுவனம் இந்தப்படத்தை தயாரிக்கவுள்ளதாகவும் தகவல்கள் வெளியாகியுள்ளன.
இந்நிலையில் நாளைய தினம் அஜித்தின் பிறந்தநாளை முன்னிட்டு அவர் நடிக்கும் புதிய படங்களின் அப்டேட்கள் வெளியாகும் என எதிர்பார்க்கபடுகிறது. அதன்படி ‘ஏகே 61’ படத்தின் டைட்டில் லுக் மற்றும் அஜித்தின் 63 படத்தின் அதிகாரப்பூர்வ அறிவிப்பு வெளியாகும் என்ற தகவல் வெளியாகியுள்ளது. இந்த டபுள் ட்ரீட் குறித்த செய்தியால் ரசிக்ர்கள் உற்சாகத்தில் உள்ளனர்.
“காத்துவாக்குல ரெண்டு காதல்” படம் எப்படி இருக்கு?