Realme
தனது புதிய ஸ்மார்ட் டிவி X FHD தொடரை இந்தியாவில் அறிமுகம் செய்துள்ளது. இந்த தொடரில் நிறுவனம் 40 இன்ச், 43 இன்ச் HD ஸ்மார்ட் டிவி மாடல்களை அறிமுகப்படுத்தியுள்ளது. இந்த டிவிகள் டால்பி ஆடியோ ஆதரவுடன் 24W வாட் குவாட் ஸ்டீரியோ ஸ்பீக்கர்களுடன் வருகின்றன. இது முழு அளவிலான ஸ்பீக்கர் மற்றும் ட்வீட்டரைக் கொண்டுள்ளது.
Realme
Smart TV
X FHD இந்தியாவில் ரூ.25,000க்கும் குறைவான விலையில் விற்பனைக்கு வருகிறது. டிவியின் 40 இன்ச் மாடல் ரூ.22,999 எனவும், 43 இன்ச் மாடல் ரூ.25,999 எனவும் நிர்ணயம் செய்யப்பட்டுள்ளது. 40 அங்குல மாடல் மே 4 முதல் வாங்குவதற்கு கிடைக்கிறது. 43 அங்குல மாடல் மே 5 முதல் Realme.com,
Flipkart Sale
மற்றும் சில்லறை விற்பனை கடைகள் மூலம் வாங்குவதற்கு கிடைக்கும்.
புதிய Realme Smart TV X FHD மாடல்கள் பெசல்-லெஸ் டிசைனுடன் வருகின்றன. இது HDR 10 ஆதரவைக் கொண்டுள்ளது. ஸ்மார்ட் டிவிகள் குவாட் கோர் மீடியாடெக் சிப்செட் கொண்டு இயக்கப்படுகிறது. இதில் 1 ஜிபி ரேம், 8 ஜிபி ஸ்டோரேஜ் மெமரி வசதி உள்ளது. Realme நிறுவனம் புதிதாக அறிமுகம் செய்திருக்கும் ஸ்மார்ட் டிவி குறித்து விரிவாகப் பார்க்கலாம்.
Realme Pad Mini: மலிவு விலையில் வெளியான ரியல்மி டேப் – விதவிதமா 4 வேரியண்ட் இருக்கு!
ரியல்மி ஸ்மார்ட் டிவி எக்ஸ் அம்சங்கள் (Realme Smart TV X Specifications)
ரியல்மி
அறிமுகம் செய்திருக்கும் புதிய ஸ்மார்ட் டிவியானது, 40 இன்ச் மற்றும் 43 இன்ச் ஆகிய இரண்டு மாடல்களில் கிடைக்கிறது. இது 5.76 மிமீ பெசல்கள் கொண்ட முழு HD LED டிஸ்ப்ளே ஆகும். இது 1920 x 1080 பிக்சல் ரெசலியூஷனைக் கொண்டுள்ளது.
இந்த ஸ்மார்ட் டிவிகள் HLG மற்றும் HDR10 போன்ற அம்சங்கள் உள்ளது. இதன் உதவியுடன் சில குறைந்த கிளாரிட்டி வீடியோக்களையும், தெளிவாகப் பார்க்க முடியும். டிவியை மீடியாடெக் குவாட் கோர் புராசஸர் இயக்குகிறது. இதில் ARM Cortex-A55 சிப்செட்டும், Mali-G31 MP2 கிராபிக்ஸ் எஞ்சினும் இணைத்து கட்டமைக்கப்பட்டுள்ளது.
Realme GT Neo 3: ஒன்பிளஸ் 10R போனுடன் நேரடியாக மோதும் ரியல்மி ஜிடி நியோ 3!
வீட்டில் தியேட்டர் அனுபவம்
இந்த ஸ்மார்ட் டிவியில் 1ஜிபி ரேம் மற்றும் 8 ஜிபி ஸ்டோரேஜ் மெமரி வசதி உள்ளது. Realme Smart TV X FHD ஆகிய இரண்டு மாடல்களும் ஆண்ட்ராய்டு 11 அடிப்படையிலான இயங்குதளத்தில் வேலை செய்கின்றன. மேலும், கூகுள் ப்ளே ஸ்டோர் மூலம் பல்வேறு செயலிகளை நீங்கள் பயன்படுத்த முடியும்.
இது டால்பி ஆடியோ ஆதரவுடன் 24W வாட் குவாட் ஸ்டீரியோ ஸ்பீக்கர்களைக் கொண்டுள்ளது. இவை துல்லிய ஒலியை வெளிப்படுத்துகிறது. உள்ளமைக்கப்பட்ட Chromecast மற்றும் One-Touch Google Assistant ஆகியவை உங்கள் கூடுதலாக ஸ்மார்ட் அனுபவத்தை வழங்குகிறது.
இது மென்மையான கேமிங்கிற்காக ஆட்டோ லோ லேட்டன்சி பயன்முறையையும் (ALLM) வழங்குவதாக ரியல்மி விளம்பரப்படுத்தி வருகிறது. ஆன்லைன் மூலம் இந்த டிவியை ஐசிஐசிஐ வங்கி வாடிக்கையாளர்கள் வாங்கினால், கூடுதலாக 5% தள்ளுபடி வழங்கப்படுகிறது.