சீனாவின்
டெக்னோ
நிறுவனம் குறைந்த விலை ஸ்மார்ட்போன்களை இந்தியாவில் அறிமுகம் செய்துவந்தது. இந்நிலையில், நிறுவனம் தனது மிட்ரேஞ் ஸ்மார்ட்போனை இந்திய பயனர் சந்தைக்குக் கொண்டுவந்துள்ளது. அதுவும் ரூ,25,000க்கும் கீழ் அதிரடி அம்சங்களுடன் இந்த ஸ்மார்ட்போன் வெளியிடப்பட்டுள்ளது.
புதிய
Tecno Phantom X
போனில் வளைந்த அமோலெட் டிஸ்ப்ளே, 50MP மெகாபிக்சல் சென்சார் கொண்ட முதன்மை கேமரா, இரண்டு செல்பி கேமரா, மீடியாடெக் புராசஸர், பெரிய ரேம், பாஸ்ட் சார்ஜிங் ஆதரவு போன்ற பல்வேறு அம்சங்கள் நிறைந்துள்ளன.
டெக்னோ பேன்தம் எக்ஸ் விலை (Tecno Phantom X Price)
புதிய டெக்னோ போனின் விற்பனை மே 4, 2022 அன்று முதல் தொடங்குகிறது. இதன் விலை ரூ.25,999 ஆக நிர்ணயம் செய்யப்பட்டுள்ளது. சம்மர் சன்செட், ஐஸ்லேண்ட் ப்ளூ ஆகிய இரு வண்ணத் தேர்வுகளில் இந்த ஸ்மார்ட்போன விற்பனைக்கு வருகிறது.
Amazon ஷாப்பிங் தளத்தில் விற்பனைக்கு வரும் இந்த ஸ்மார்ட்போனுக்கு கூடுதல் சலுகைகள் வழங்கப்படுகிறது. இதனுடன் ரூ.2,999 மதிப்புள்ள ப்ளூடூத் ஸ்பீக்கர் இலவசமாக பயனர்களுக்கு கிடைக்கும். அதுமட்டும் இல்லாமல், ஒரு முறை டிஸ்ப்ளேயை மாற்றிதரும் உத்தரவாதத்தையும் நிறுவனம் வழங்கி உள்ளது.
ஜியோ- ஏர்டெல் வழங்கும் மலிவு விலை ரீசார்ஜ் திட்டங்கள்!
டெக்னோ பேன்தம் எக்ஸ் அம்சங்கள் (Tecno Phantom X Specifications)
டெக்னோ போனில், 6.7″ இன்ச் Full HD+ அமோலெட் டிஸ்ப்ளே கொடுக்கப்படடுள்ளது. இது ஒரு வளைந்த டிஸ்ப்ளே ஆகும். 90Hz ஹெர்ட்ஸ் ரெப்ரெஷ் ரேட்டை இந்த டிஸ்ப்ளே ஆதரிக்கும். இது ஆண்ட்ராய்டு 11 அடிப்படையிலான HiOS 7.6 மூலம் இயங்குகிறது.
இந்த ஸ்மார்ட்போனில் Mediatek ஹீலியோ ஜி95 சிப்செட் நிறுவப்பட்டுள்ளது. கிராபிக்ஸ் எஞ்சினாக மாலி G76 இருக்கிறது. இதில் 8GB LPDDR4x ரேம் கொடுக்கப்பட்டுள்ளது. இதனை விர்ச்சுவல் ரேம் மெமரி அம்சத்தின் மூலம் 5ஜிபி வரை கூடுதலாக நீட்டித்துக்கொள்ள முடியும். இதில் 256ஜிபி வரை UFS 2.1 ஸ்டோரேஜ் மெமரி வழங்கப்பட்டுள்ளது.
டெக்னோ பேன்தம் எக்ஸ் கேமரா (Tecno Phantom X Camera)
பேன்தம் எக்ஸ் ஸ்மார்ட்போனில் மூன்று பின்பக்க கேமரா கொண்ட அமைப்பு உள்ளது. அதில் முதன்மை சென்சாராக 50MP மெகாபிக்சல் கேமரா கொடுக்கப்பட்டுள்ளது. அதனுடன், 13MP மெகாபிக்சல் போர்ட்ரேட் சென்சார், 8MP அல்ட்ரா வைட் லென்ஸ் ஆகியன இருக்கும்.
முன்பக்கம் இரண்டு செல்பி கேமராக்கள் கொடுக்கப்பட்டுள்ளது. அதில் 48MP மெகாபிக்சல் முதன்மை சென்சார் ஆகவும், மற்றொன்று 8MP மெகாபிக்சல் அல்ட்ரா வைட் லென்ஸ் ஆகவும் உள்ளது. இரட்டை பிளாஷ் லைட்டும் செல்பிகளுக்காக வழங்கப்பட்டுள்ளது.
கழிப்பறையை விட போனில் அதிகளவு கிருமிகள் – இன்பினிக்ஸ் Smart 6 அளித்த தீர்வு!
டெக்னோ பேன்தம் எக்ஸ் பேட்டரி (Tecno Phantom X Battery)
புதிய டெக்னோ ஸ்மார்ட்போனில், 4,700mAh பேட்டரி கொடுக்கப்படும் என எதிர்பார்க்கப்படுகிறது. இதனை ஊக்குவிக்க 33W பாஸ்ட் சார்ஜிங் ஆதரவும் வழங்கப்படும். மேலும் இந்த ஸ்மார்ட்போன் ப்ளூடூத், வைஃபை, டைப்-சி போன்ற இணைப்பு ஆதரவினையும் கொண்டுள்ளது. இரட்டை 4ஜி சிம் ஆதரவும் இதில் உள்ளது.
Tecno-Phantom-X விவரங்கள்முழு அம்சங்கள்ஃபெர்பார்மன்ஸ்MediaTek Helio G95டிஸ்பிளே6.7 inches (17.02 cm)சேமிப்பகம்256 GBகேமரா50 MP + 13 MP + 8 MPபேட்டரி4700 mAhஇந்திய விலை18999ரேம்8 GBமுழு அம்சங்கள்