மங்காத்தா பாணியில் அஜித் 62வது படம்: விக்னேஷ் சிவன் வெளியிட்ட தகவல்
தற்போது விஜய்சேதுபதி, நயன்தாரா, சமந்தா நடிப்பில் விக்னேஷ் சிவன் இயக்கி உள்ள காத்து வாக்குல ரெண்டு காதல் படம் திரைக்கு வந்து வெற்றிகரமாக ஓடிக்கொண்டிருக்கிறது. இந்நிலையில் தற்போது வினோத் இயக்கத்தில் தனது 61வது படத்தில் நடிக்கும் அஜித், அடுத்தபடியாக விக்னேஷ் சிவன் இயக்கும் 62வது படத்தில் நடிக்கப் போகிறார். இந்த நிலையில் சமீபத்தில் அளித்த பேட்டி ஒன்றில் அஜித்தின் 62வது படம் குறித்து விக்னேஷ் சிவன் ஒரு தகவல் வெளியிட்டுள்ளார்.
அதில், அஜித் நடித்த வாலி மற்றும் மங்காத்தா படங்கள் எனக்கு மிகவும் பிடிக்கும். மங்காத்தா படத்தின் இடைவேளை காட்சி அவர் மட்டுமே அந்த சீனில் நடித்திருப்பார். மிக அற்புதமான பெர்பாமன்ஸ் கொடுத்திருப்பார். அதனால் அது போன்ற வித்தியாசமான கதையில் அஜித்தை மாறுபட்ட கோணத்தில் வெளிப்படுத்த போகிறேன். அந்தவகையில் அஜித் 62வது படத்தை மங்காத்தா பட பாணியில் எடுக்க முயற்சி செய்யப் போவதாகவும் அந்த பேட்டியில் தெரிவித்திருக்கிறார் விக்னேஷ்சிவன்.