கொரோனா ஐந்தாம் அலை காரணமாக மீண்டும் ஊரடங்கு கட்டுப்பாடுகள் அமலாக வாய்ப்பு இருப்பதாகக் கூறப்படுகிறது.
அண்டை நாடான சீனாவின் வூகான் நகரில், கடந்த 2019 ஆம் ஆண்டு டிசம்பர் மாத இறுதியில், கோவிட் – 19 எனப்படும் கொரோனா தொற்று பரவியது. இந்தத் தொற்றுக்கு எதிராக தடுப்பூசி கண்டுபிடிக்கப்பட்டு விட்டாலும் அது பல்வேறு வகைகளில் உருமாற்றம் அடைந்து வருகிறது. இதற்கிடையே, சீனா, ஆஸ்திரியா,
நெதர்லாந்து
உள்ளிட்ட ஒருசில நாடுகளில், தற்போது, கொரோனா பரவல் மீண்டும் வேகம் எடுத்துள்ளது.
இந்நிலையில், தென் ஆப்பிரிக்க நாட்டில், கொரோனா வைரஸ் தொற்றின் ஐந்தாவது அலை ஏற்பட்டு உள்ளதாக, அந்நாட்டின் சுகாராத் துறை அமைச்சர் ஜோ பாஹாலா தெரிவித்து உள்ளார். கடந்த 14 நாட்களாக அங்கு கொரோனா பாதிப்பு தொடர்ந்து உயர்ந்து வருவதாகவும் அங்கு உருமாறிய கொரோனா தொற்று பரவல் இருப்பதாகவும் உலக சுகாதார அமைப்பு எச்சரித்துள்ளது.
மீண்டும் முழு ஊரடங்கு – பிரதமர் எடுக்கப் போகும் அதிரடி முடிவு!
கொரோனா பாதிப்பு காரணமாக, மருத்துவமனைகளில் அனுமதிக்கப்படும் நோயாளிகள் எண்ணிக்கை அதிகரித்து வந்தாலும், தீவிர சிகிச்சை பிரிவில் அனுமதிக்கப்படும் நோயாளிகள் எண்ணிக்கை அதிகரிக்கவில்லை என, சுகாராத் துறை அமைச்சர் ஜோ பாஹாலா சுட்டிக்காட்டி உள்ளார்.
இதற்கிடையே, கொரோனா பரவலைக் கட்டுப்படுத்த, மீண்டும் ஊரடங்கில் கட்டுப்பாடுகள் அமலாக வாய்ப்பு உள்ளதாகக் கூறப்படுகிறது. கொரோனா தினசரி பாதிப்பு மற்றும் உயிரிழப்பு எண்ணிக்கை தொடர்ந்து அதிகரிக்கும் பட்சத்தில், கட்டுப்பாடுகள் அமலாக வாய்ப்பு உள்ளதாகக் கூறப்படுகிறது.