அதை மோடியிடம் தான் கத்துக்கணும்… ராகுல் கிண்டல்!

கோடை வெயிலின் தாக்கம் அதிகரித்துவரும் நிலையில், மின்வெட்டு பல்வேறு மாநிலங்களில் பெரும் பிரச்னையாக உருவெடுத்துள்ளது. இந்த நிலையில், காங்கிரஸ் எம்பி
ராகுல் காந்தி
மோடி தலைமயிலான பாஜக அரசை விமர்சித்து ட்விட்டர் பதிவு ஒன்றை வெளியிட்டுள்ளார்.

அதில், ‘ நாட்டில்
மின்வெட்டு பிரச்னை
, வேலைவாய்ப்பின்மை, விவசாயிகள் பிரச்னை, பணவீக்கம் என்று நாடு இன்று பல்வேறு நெருக்கடிக்கு உள்ளாகி இருக்கிறது.

உலகில் அதிவேகமாக வளர்ந்து வரும் பொருளாதாரத்தை கொண்டிருந்த நம் நாட்டை எப்படி சீரழிக்கலாம் என்பதை மோடியிடம் இருந்து நாம் கற்றுக் கொள்ளலாம்.
பிரதமர் மோடி
தலைமையிலான 8 ஆண்டு கால ஆட்சி, மோசமான நிர்வாகத்துக்கு ஆக சிறந்த உதாரணம்’ என்று ராகுல் விமர்சித்துள்ளார்.

பிரதமரின் ஆலோசகராக, ஓய்வுபெற்ற ஐஏஎஸ் அதிகாரி தருண் கபூர் நியமிக்கப்பட்டுள்ளதாக மத்திய அரசு அறிவித்துள்ள நிலையில், மோடி தலைமையிலான மத்திய அரசை ராகுல் காந்தி இவ்வாறு விமர்சித்துள்ளது குறிப்பிடத்தக்கது.