கேரள மாநிலம் வயநாட்டிற்கு மத்திய அமைச்சர் ஸ்மிருதி இரானி சுற்றுப்பயணம் மேற்கொண்டிருப்பது, தேசிய அரசியலில் பரபரப்பை ஏற்படுத்தி உள்ளது.
கடந்த 2014 ஆம் ஆண்டு நடைபெற்ற நாடாளுமன்ற மக்களவைத் தேர்தலில், உத்தர பிரதேச மாநிலத்தில் உள்ள அமேதி தொகுதியில், காங்கிரஸ் தலைவர் ராகுல் காந்தியை எதிர்த்து, பாஜக சார்பில் போட்டியிட்டவர் ஸ்மிருதி இரானி. இந்தத் தேர்தலில் அவர் படு தோல்வி அடைந்தார்.
அதே சமயம், ஆளுங்கட்சியாக இருந்த காங்கிரஸ் ஆட்சியை இழந்தது. மத்தியில், பிரதமர் நரேந்திர மோடி தலைமையில், பாஜக அரசு அமைந்தது. இதைத் தொடர்ந்து அமேதி தொகுதியில் மத்திய அரசின் பல்வேறு திட்டங்களை சிறப்பாக செயல்படுத்த துணை புரிந்து மக்களின் பேராதரவுடன், 2019 ஆம் ஆண்டு நடைபெற்ற மக்களவைத் தேர்தலில், ராகுல் காந்தியை, ஸ்மிருதி இரானி தோற்கடித்தார்.
அங்கு வெற்றி வாய்ப்பை இழந்த ராகுல் காந்தி, கேரள மாநிலத்தில் உள்ள
வயநாடு
தொகுதியில் வெற்றி பெற்று, நாடாளுமன்ற உறுப்பினர் ஆனார். இதைத் தொடர்ந்து,
ராகுல் காந்தி
அடிக்கடி
கேரளா
சென்று, வயநாடு தொகுதியில் சுற்றுப்பயணம் செய்து வந்தார். மேலும் அங்குள்ள மக்களை சந்தித்து குறைகளை கேட்டு வந்தார்.
இந்நிலையில், காங்கிரஸ் தலைவர் ராகுல் காந்தியின் மக்களவைத் தொகுதியான வயநாட்டில், பாஜகவைச் சேர்ந்த மத்திய அமைச்சர் ஸ்மிருதி இரானி இரண்டு நாட்கள் சுற்றுப்பயணம் மேற்கொண்டு உள்ளது, தேசிய அரசியலில் பரபரப்பை ஏற்படுத்தி உள்ளது. வயநாடு தொகுதியில் உள்ள பழங்குடி இன மக்களை சந்தித்து பேசியதோடு, அவர்களின் குறைகளையும் மத்திய அமைச்சர் ஸ்மிருதி இரானி கேட்டறிந்தார்.
இதற்கிடையே, 2024 ஆம் ஆண்டு நடைபெற உள்ள மக்களவைத் தேர்தலுக்கு, பாஜக தற்போதே தயாராகி வருவதாகக் கூறப்படுகிறது. கடந்த மக்களவைத் தேர்தலில், அமேதி தொகுதியில், ராகுல் காந்தியை வீழ்த்திய ஸ்மிருதி இரானியை, வயநாட்டில் தற்போதே பாஜக களமிறக்கி உள்ளது. இதனால், காங்கிரஸ் கட்சியினர் கலக்கம் அடைந்துள்ளனர்.
மத்திய அமைச்சர் ஸ்மிருதி இரானியை வயநாட்டில் களமிறங்கி இருப்பதன் மூலம், வரும் மக்களவைத் தேர்தலுக்கான புதிய வியூகத்தை பாஜக தொடங்கி உள்ளது. இந்த சுற்றுப்பயணத்தை தொடர்ந்து, வரும் காலங்களில், வயநாட்டில் பல்வேறு நிகழ்ச்சிகளில், மத்திய அமைச்சர் ஸ்மிருதி இரானியை பங்கு பெறச் செய்து, மக்களிடையே பரிட்சையமாக்க, பாஜக திட்டமிட்டு உள்ளதாகக் கூறப்படுகிறது. ராகுல் காந்திக்கு செக் வைக்கும் நோக்கில் பாஜக இந்த நகர்வுகளை முன்னெடுத்துள்ளதாகக் கூறப்படுகிறது.