14 வருட உச்சத்தினை தொட்ட இயற்கை எரிவாயு விலை.. என்ன காரணம்..!

14 வருட உச்சத்தில் இயற்கை எரிவாயு

இதற்கிடையில் இயற்கை எரிவாயு விலையானது 14 வருட உச்சத்தினை எட்டியுள்ளது. இது உக்ரைன் ரஷ்யா பிரச்சனைக்கு மத்தியில் நிலவி வரும் பதற்றத்தின் மத்தியில் , ரஷ்யாவுக்கு எதிராக பல நாடுகளும் தடைகளை விதித்துள்ளன. இதற்கிடையில் ஐரோப்பிய ஒன்றிய நாடுகளும் ரஷ்யாவிடம் இருந்து எரிபொருள் வாங்குவதை தடை செய்ய திட்டமிட்டுள்ளதாகவும் தெரிவித்துள்ளது. இதனை இந்த ஆண்டின் இறுதிக்குள் நடைமுறைக்கு கொண்டு வர திட்டமிடுவதாகவும் தெரிவித்துள்ளது.

முன்னணி ஏற்றுமதியாளர்

எனினும் ஐரோப்பிய நாடுகளின் இந்த திட்டத்திற்கு ஹங்கேரி உள்ளிட்ட சில நாடுகள் எதிர்ப்பு தெரிவித்துள்ளதாகவும் கூறப்படுகிறது. உலகின் முக்கிய எரிபொருள் ஏற்றுமதியாளராக இருக்கும் ரஷ்யா, முக்கியமாக ஐரோப்பிய நாடுகளுக்கு ஏற்றுமதி செய்து வருகின்றது. ஐரோப்பிய நாடுகளும் கச்சா எண்ணெய் மற்றும் இயற்கை எரிவாயுவும் அதிகளவில் இறக்குமதி செய்யப்படுகின்றன.

 

தேவை அதிகரிப்பு

அமெரிக்கா தனது பெட்ரோலிய இருப்புகளை நிரப்ப 60 மில்லியன் பேரல்களை வாங்கவுள்ளது. இது கச்சா எண்ணெய் விலையை மேலும் ஊக்குவிக்கலாம். இதே போல இயற்கை எரிவாயு விலையும் தற்போது அதிகரிக்க தொடங்கியுள்ளது. மேலும் மற்ற கமாடிட்டிகளில் புராபிட் புக்கிங் செய்யும் நிலையில், இதுவும் மற்ற கமாடிட்டிகளின் விலையை ஊக்குவிக்கலாம்.

கொரோனாவில் இருந்து மீட்சி

கொரோனாவின் பிடியில் சிக்கித் தவித்து வந்த நிலையில், பொருளாதாரம் மீண்டு வரத் தொடங்கியுள்ளது. இதற்கிடையில் தேவையும் மீண்டு வரத் தொடங்கியுள்ளது. இது எரிபொருள் விலையினை ஊக்குவிக்கலாம் என எதிர்பார்க்கப்படுகிறது.