இன்று காலை ஹிமாச்சலப் பிரதேசம், தர்மஷாலாவில் உள்ள ஹிமாச்சலப் பிரதேச சட்டப் பேரவையின் பிரதான வாயில் மற்றும் எல்லைச் சுவரில் காலிஸ்தான் கொடிகள் கட்டப்பட்டிருந்தன.
நேற்று இரவு அல்லது அதிகாலையில் நடந்திருக்கலாம் என்று கருதப்படுகிறது. விதானசவுதா (சட்டப்பேரவை) வாசலில் இருந்த காலிஸ்தான் கொடிகளை தற்போது அகற்றியுள்ளதாகவும், இது பஞ்சாபைச் சேர்ந்த சில சுற்றுலாப் பயணிகளின் செயலாக இருக்கலாம் என்றும், எஸ்பி காங்க்ரா, குஷால் சர்மா தெரிவித்துள்ளார்.
இந்த சமத்துவம் குறித்து SDM தரம்ஷாலா ஷில்பி பெக்டா தெரிவிக்கையில், இந்த விஷயத்தைப் பற்றி நாங்கள் விசாரணை செய்து வருகிறோம், ஹிமாச்சலப் பிரதேச திறந்தவெளி இடங்கள் (உருமாற்றம் தடுப்பு) சட்டம், 1985 இன் தொடர்புடைய பிரிவுகளின் கீழ் வழக்குப் பதிவு செய்யப்படும். இது மிகவும் விழிப்புடன் செயல்படுவதற்கு ஒரு எச்சரிக்கை மணி போல் உள்ளது என்று தெரிவித்துள்ளார்.
இந்நிலையில், இந்த சம்பவம்குறித்து இமாச்சல பிரதேச முதல்வர் தெரிவிக்கையில், “தர்மஷாலா சட்டசபை வளாகத்தின் வாயிலில் காலிஸ்தான் கொடிகளை ஏற்றிய கோழைத்தனமான செயலை கண்டிக்க வேண்டும். இந்த சட்டசபையில் குளிர்கால கூட்டத்தொடர் மட்டுமே நடைபெறுகிறது.
எனவே அந்த நேரத்தில் இங்கு கூடுதல் பாதுகாப்பு ஏற்பாடுகள் தேவை. இந்த சம்பவம் குறித்து விசாரணை நடத்தி கடும் நடவடிக்கை எடுக்கப்படும். இந்த கோழைத்தனமான செயலை கண்டிக்கிறேன்.
விசாரணைக்கு உத்தரவிடப்பட்டு, எப்ஐஆர் பதிவு செய்யப்பட்டது. சிசிடிவி காட்சிகள் ஆய்வு செய்யப்பட்டு வருகிறது. குற்றவாளிகள் மீது கடும் நடவடிக்கை எடுப்போம். மாநில மக்கள் அமைதி காக்க வேண்டும் என்று கேட்டுக் கொள்கிறேன்.
மற்ற மாநிலங்களுடனான எங்கள் எல்லைகளில் பாதுகாப்பை விரைவில் மதிப்பாய்வு செய்வோம்” என்று இமாச்சல பிரதேச முதல்வர் தெரிவித்துள்ளார்.
#WATCH Khalistan flags found tied on the main gate & boundary wall of the Himachal Pradesh Legislative Assembly in Dharamshala today morning pic.twitter.com/zzYk5xKmVg
— ANI (@ANI) May 8, 2022