சமீபத்தில் உலகின் மிகப்பெரிய மைக்ரோ-பிளாக்கிங் வலைத்தளமான ட்விட்டரை, டெஸ்லா தலைமை செயல் அலுவலர் (CEO)
எலான் மஸ்க்
வாங்கினார். இதனைத் தொடர்ந்து அவரது
ட்விட்டர்
பதிவுகள் மிகுந்த கவனத்தை ஈர்த்து வருகிறது. இந்நிலையில், ட்விட்டரில் பல அதிரடி மாற்றங்களை கொண்டு வரப்போவதாக அவர் பதிவிட்டிருந்தார்.
அவரை பின் தொடருபவர்கள் இதனைக் கொண்டாடி வந்த வேளையில், மே 9 ஆம் தேதி அவர் வெளியிட்ட ட்விட்டர் பதிவில், “மர்மமான முறையில் நான் இறந்தால், நல்லது அல்லவா” என்று தனது மரணம் குறித்து பேசியிருந்தார். இது காட்டுத்தீ போல் சமூக வலைத்தளங்களைப் பற்றிக் கொண்டு பெரும் பேசுபொருளாகி உள்ளது.
என்ன காரணத்துக்காக சொல்லியிருப்பார்?
மஸ்க் ஏன் ட்விட்டரில் இப்படியொரு கருத்தை வெளியிட்டார் என்பது குறித்து இதுவரை யாருக்கும் தெரியவில்லை. எனினும், மஸ்க் தனது ட்வீட்டிற்கு ஒரு மணி நேரத்திற்கு முன்பு, டெஸ்லா தலைமை செயல் அலுவலர், “உக்ரைன் நாட்டில் உள்ள பயங்கரவாதிகளுக்கு ராணுவ தகவல் தொடர்பு சாதனங்களை வழங்குவதில் ஈடுபட்டுள்ளார்,” என்று ஒரு ரஷ்ய அலுவலருடன் உரையாடுவது போல் தோற்றம் அளிக்கும் ஒரு பதிவைப் பகிர்ந்துள்ளார் என்பதைக் கவனத்தில் கொள்ள வேண்டும்.
நமக்குக் கிடைத்த தகவல்களின்படி, “ஸ்டார்லிங்க் கருவிகளின் விநியோகம் பென்டகனால் மேற்கொள்ளப்பட்டது.,” என்ற செய்தி வெளியானது. இதற்கான விலையை எலான் மஸ்க் கொடுத்தாக வேண்டும். இதில் முக்கிய பங்கு உங்களுடையது. நீங்கள் எவ்வளவு முட்டாள்தனமாக விளையாடினாலும், செய்த தவறுக்கான விளைவை சந்திக்க நேரிடும்” என்று அந்த பதிவில் தெரிவிக்கப்பட்டிருந்தது. இந்த பதிவு ஒரு ரஷ்ய உயர் அலுவலரால் பகிரப்பட்டது என்பது குறிப்பிடத்தக்கது.
Google Search: கூகுளில் இவற்றை ஒருபோதும் தேடாதீர்கள்!
ஸ்டார்லிங்க் சேவை
மார்ச் மாதம், மஸ்க் தனது ட்விட்டர் பதிவில்,
Starlink
செயற்கைக்கோள் பிராட்பேண்ட் சேவையைப் பயன்படுத்தி, ரஷ்ய செய்தி நிறுவனங்களைத் தடுக்க சில அரசாங்கங்களால் கட்டளை இடப்பட்டது என்று கூறியிருந்தார். இதற்கு பதிலளுக்கும் வகையில், “துப்பாக்கி முனையில் நாங்கள் அவ்வாறு செய்ய மாட்டோம், ஒரு சுதந்திரமான பேச்சுரிமைவாதியாக இருப்பதற்கு மன்னிக்கவும்”, என்று மஸ்க் ட்வீட் செய்திருந்தார்.
SpaceX நிறுவனத்திற்கு சைபர் பாதுகாப்பு, சிக்னல் ஜாமிங்கை சமாளிப்பதற்கு மீண்டும் முன்னுரிமை அளிக்கப்பட்டுள்ளது என்றும் இது ஸ்டார்ஷிப் மற்றும் Starlink V2 பணிகளில் சிறிது தாமதத்தை ஏற்படுத்தும் என்று மஸ்க் தெரிவித்துள்ளாஅர். மேலும், உக்ரைன் மீது படையெடுத்துள்ள ரஷ்ய ராணுவம், ஸ்டார்லிங்க் சேவையை இலக்கு வைக்க அதிக வாய்ப்பிருப்பதாகவும் அவர் எச்சரித்திருக்கிறார்.
இதற்கிடையில், ஸ்பேஸ்எக்ஸ் நிறுவனர் ஏன் இத்தகைய கருத்தை தெரிவித்தார் என்று நெட்டிசன்கள் ஊகிக்கத் தொடங்கி உள்ளனர். “இல்லை, நீங்கள் இறக்க மாட்டீர்கள். உலகத்திற்கு நீங்கள் தேவை. உங்கள் வாயிலாக ஏற்படும் மாற்றங்கள் தேவை,” என்று ஃபர்சாத் அஹங்கி என்ற ட்விட்டர் பயனர்கள், எலான் மஸ்க் ட்விட்டிற்கு மறுபதிவிட்டுள்ளார்.
மேலதிக செய்திகள்:
கெத்து காட்டும் Elon Musk – உக்ரைனுக்கு Starlink இண்டர்நெட் ரெடி… அதிர்ச்சியடைந்த ரஷ்யா!Satellite Internet: ஸ்பேஸ் எக்ஸ்-க்கு போட்டியாக களமிறங்கும் அமேசான் புராஜக்ட் குயிப்பர்!