இசை காதலர்களின் நெஞ்சோடு பிணைந்திருந்தது,
ஆப்பிள்
நிறுவனத்தின்
ஐபாட்
. அந்த அளவிற்கு பயனர்களின் நன்மதிப்பை பெற்ற இந்த ஆப்பிள் தயாரிப்பின் வரலாறு மிகப்பெரியது. பல வடிவிலான எம்பி3 பிளேயர்களை நிறுவனங்கள் அறிமுகம் செய்வதற்கு காட்ஃபாதராக இருந்தது ஆப்பிள்
iPod
என்றால்; அதை யாரும் மறுக்கமுடியாது.
ஐபாட் ஒரு சாதாரண குறிக்கோளுடன் தனது பயணத்தைத் தொடங்கியது. மக்கள் அதிகமாக விரும்பும் ஒரு இசைத் தயாரிப்பை உருவாக்க நினைத்ததன் விளைவாக உருவாக்கப்பட்டது தான் ஐபாட். சில ஆண்டுகளில், இது நுகர்வோர் மின்னணு மற்றும் இசைத் துறையை மாற்றியமைத்து, மதிப்புமிக்க தயாரிப்பாக ஆப்பிள் நிறுவனத்தின் பட்டியலில் இடம்பிடித்தது.
அக்டோபர் 2001 பாக்கெட் அளவிலான உருவாகப்பட்ட எடை குறைந்த எம்பி3 பிளேயரான ஆப்பிள் ஐபாட், காலங்கள் செல்ல செல்ல பல பரிணாம வளர்ச்சியைக் கண்டது. முதலில், 1,000 பாடல்களை மட்டுமே ஆப்பிள் ஐபாட் கொண்டிருந்தது. தற்போது, 9 கோடிக்கும் அதிகமான பாடல்களை தங்களிடம் ஆப்பிள் வைத்துள்ளது.
பில் கேட்ஸை சீண்டிய எலான் மஸ்க் – வைரலாகும் புகைப்படம்!
ஆப்பிள் அறிக்கை
ஆப்பிள் நிறுவனம் வெளியிட்ட அறிக்கையில், “20 ஆண்டுகளுக்கு முன்பு அறிமுகப்படுத்தப்பட்ட ஆப்பிள் ஐபாட், உலகெங்கிலும் உள்ள பயனர்களைக் கவர்ந்துள்ளது. அவர்கள் பயணத்தின்போது தங்களுடன் இசையை எடுத்துச் செல்லும் திறமையான கருவியை விரும்புகிறார்கள். இப்போது ஐபாட் கருவியின் தயாரிப்புப் பணிகளை நிறுத்த உள்ளோம்.”
“இன்று, ஒருவரின் இசை நூலகத்தை உலகிற்கு எடுத்துச் செல்லும் அனுபவத்தை ஆப்பிள் நிறுவனம் தனது தயாரிப்புகளில் வாயிலாக கொடுத்துள்ளது. Apple iPhone, Apple Watch முதல் Apple iPad மற்றும் Mac வரை அனைத்து தயாரிப்புகளிலும் அணுகும்படியான 9 கோடிக்கும் அதிகமான பாடல்கள், 30,000க்கும் மேற்பட்ட பிளேலிஸ்டுக்கான அணுகல்கள்
Apple Music
வழங்குகிறது.” என்று தெரிவிக்கப்பட்டுள்ளது.
ஆவியான ஐபாட்
ஆப்பிள் நிறுவனத்தின் உலகளாவிய சந்தைப்படுத்தலின் மூத்த துணைத் தலைவர் கிரெக் ஜோஸ்வியாக், “இசை எப்போதுமே ஆப்பிள் நிறுவனத்தின் ஒரு பகுதியாக இருந்து வருகிறது. மேலும், ஐபாட் இசைத் துறையை விட அதிகமாக தாக்கத்தை ஏற்படுத்தியது. இது இசை எவ்வாறு கண்டுபிடிக்கப்படுகிறது, கேட்கப்படுகிறது மற்றும் பகிரப்படுகிறது என்பதை உலகிற்கு எடுத்துரைத்துள்ளது” என்று கூறினார்.
தொடர்ந்து பேசிய அவர், “இன்று, ஐபாட் கருவியின் ஆவி மட்டுமே வாழ்கிறது. iPhone, Apple Watch முதல் HomePod mini வரையும், பிற தயாரிப்புகளான Mac, iPad, Apple TV என அனைத்து தயாரிப்புகளிலும் நம்பமுடியாத இசை அனுபவத்தை ஒருங்கிணைத்துள்ளோம்.”
“ஆப்பிள் மியூசிக் Spatial ஆடியோவிற்கான ஆதரவுடன், துறையில் சிறந்த ஒலி தரத்தை வழங்குகிறது. இசையை ரசிக்க, கண்டறிய, அனுபவிக்க இதைவிட வேறு சிறந்த வழிகள் இருக்க முடியாது.” என்று குறிப்பிட்டுள்ளார்.
TikTok: விண்வெளியில் டிக்டாக் வெளியிட்ட பெண் – வைரல் வீடியோ!
எம்பி3 பிளேயர்களுக்கு மாற்றான போன்கள்
புதிய iPhone SE முதல் சமீபத்திய iPhone 13 Pro Max வரையிலான பல்வேறு வகையான ஆப்பிள் தயாரிப்புகளிலும் இசையை ரசிக்க Apple Music உதவுகிறது. இசையை சேமிப்பதற்கு சிறந்த சாதனமாக iPhone விளங்குகிறது. ஆப்பிள் வாட்ச், AirPods துணையுடன், பயனர்கள் தங்களின் விரல்நுனியில் இருந்து 9 கோடிக்கும் அதிகமான பாடல்களை அணுக முடியும்.
இந்தியாவில் Apple Watch SE ஸ்மார்ட்வாட்ச் விலை ரூ.29,990 முதல் தொடங்குகிறது. iPad விலை வெறும் ரூ.30,900 முதல் தொடங்குகிறது. மேலும் சக்திவாய்ந்த சிப், பெரிய காட்சி மற்றும் சமீபத்திய iPadOS அம்சங்களுடன் வருகிறது. இப்படியான அனைத்து ஆப்பிள் தயாரிப்புகளும் ஆப்பிள் மியூசிக் அணுகலைக் கொண்டுள்ளதால் நிறுவனம் iPod தயாரிப்பை நிறுத்த முடிவெடுத்துள்ளது.
வீட்டிலேயே இசையை ரசிக்க சிறந்த வழி, ஆப்பிள் HomePod mini என்று கூறுகிறது நிறுவனம். இதன் விலை வெறும் ரூ.9,900 ஆக உள்ளது. வாடிக்கையாளர்கள் apple.com, Apple Store அல்லது அங்கீகரிக்கப்பட்ட Apple மறுவிற்பனையாளர்கள் மூலம் iPod touch-ஐ இருப்பு உள்ளவரை வாங்கலாம் என்று நிறுவனம் கூறியுள்ளது.
மேலதிக செய்திகள்:
RBI: இனி இந்த பேமெண்டுகளை ஆப்பிள் அனுமதிக்காது – அதிர்ச்சித் தகவல்!இந்திய அணி வீரர்கள் மட்டும் இந்த HiTech Vest-ஐ அணிவது ஏன்?NordVPN: கடையை காலி செய்யும் நார்ட் விபிஎன்!