நகைச்சுவை கதாபாத்திரத்தில் தமன்னா
தமிழில் கடைசியாக சுந்தர்.சி இயக்கத்தில் விஷால் நடித்த ஆக்சன் படத்தில் நடித்த தமன்னாவுக்கு, அதன் பிறகு புதிய பட வாய்ப்புகள் இல்லை. ஆனபோதிலும் தெலுங்கில் குருதண்ட சீதாகளம், எப்-3, போலா சங்கர் போன்ற படங்களில் நடித்து வருபவர், மூன்று ஹிந்தி படங்களிலும் நடித்து வருகிறார். இதில் தெலுங்கில் வெங்கடேஷுக்கு ஜோடியாக எப்-3 என்ற படத்தில் ஹரிதா என்ற கதாபாத்திரத்தில் நடித்திருப்பதாக ஒரு பேட்டியில் தெரிவித்துள்ளார் தமன்னா. மேலும், இந்த கதாபாத்திரம் எப் -3 படத்தில் கதைக்கு திருப்புமுனை வாய்ந்த கதாபாத்திரம். மிக பிரமாதமாக வடிவமைக்கப்பட்டுள்ளது. குறிப்பாக வெங்கடேசுடன் நடித்துள்ள இளவட்ட ரசிகர்கள் மத்தியில் மிகப் பெரிய அளவில் ரீச் ஆகும் என நினைக்கிறேன் என ஒரு பேட்டியில் தெரிவித்துள்ளார் தமன்னா. இதுவரை நான் நடித்த படங்களில் இல்லாத அளவுக்கு காமெடி நடிப்பை இந்த படத்தில் பெரிய அளவில் ஸ்கோர் செய்திருக்கிறேன் என்றும் தெரிவித்திருக்கிறார். இந்த எப் 3 படம் மே 27ம் தேதி திரைக்கு வருகிறது.