Cooling Devices For Helmets: அனல் கக்கும் சூரியனின் கீழ்
தலைக்கவசம்
அணிந்து கொண்டு நெடுந்தூரம் பைக் ஓட்டுவது என்பது சாதாரண காரியமல்ல. இது மண்டையை சூடாக்கி, வாகனம் ஓட்டுபவருக்கு ஒருவித அசெளகரியத்தை உண்டாக்குகிறது.
ஆனால், ஹெல்மெட்டை அணியாமல் வாகனமும் ஓட்ட முடியாது. ஏனெனில், தலைக்கவசம் அணியாமல் வாகனம் ஓட்டுவது உயிருக்கு ஆபத்தானது. இந்த சூழலைப் புரிந்துகொண்ட நிறுவனம் ஒன்று, கோடையில் ரைடர்களுக்கு பயனளிக்கும் விதமான புதிய கேட்ஜெட்டை அறிமுகம் செய்துள்ளது.
ஹெல்மெட்டை ஏசியாக மாற்றலாம்
இது ஹெல்மெட்டை ஏசியாக மாற்றக்கூடிய திறன்கொண்டது. பயனர்கள் இந்த சாதனத்தை வைத்திருந்தால், அவர்களுக்கு ஓரளவு நிம்மதி கிடைக்கலாம். இன்று நாம் அப்படி ஒரு குளிர் சாதனத்தை குறித்து தான் தெரிந்துகொள்ளப் போகிறோம். அப்படி என்ன சூப்பர் கூல் சாதனம் இது என்று பார்க்கலாம் வாங்க.
BluArmor
என்ற நிறுவனம் தலைக்கவசங்களுக்கான குளிர்விப்பான்களை தயாரிக்கிறது. இது ஒரு தனித்துவமான தயாரிப்பு என்பதை நீங்கள் பயன்படுத்தினால் தான் புரிந்துகொள்ள முடியும். இது பொதுவாக சந்தையில் காணப்படுவதில்லை.
Android 13: ஆண்ட்ராய்டு 13இல் கிடைக்கும் 10 முக்கிய அம்சங்கள்!
இந்த நிறுவனமானது தற்போது மூன்று வகையான குளிரூட்டிகளை வழங்குகிறது. நீங்கள் BluSnap2, BLU3 A10, BLU3 E20 ஆகிய மூன்று மாடல்களில் ஏதாவது ஒன்றை வாங்கலாம். எந்தவொரு ஃபுல் ஃபேஸ் ஹெல்மெட்டுடனும் பயனர்கள் இந்த கேட்ஜெட்டைப் பயன்படுத்தலாம். அவர்களின் உதவியுடன் நீங்கள் குளிர்ந்த, தூசி இல்லாத மற்றும் வடிகட்டிய காற்றைப் பெறுவீர்கள்.
எந்த ஹெல்மெட் கூலர் சிறந்தது?
தற்போது நிறுவனத்திடம் இருந்து BluSnap2, BLU3 A10, BLU3 E20 ஆகிய மூன்று ரகங்கள் கிடைக்கிறது. மூன்று சாதனங்களும் தலைக்கவசத்தின் வெப்பநிலையை 15 டிகிரி செல்சியஸ் வரை குறைக்கும் திறன் கொண்டது என நிறுவனம் கூறுகிறது.
WhatsApp Warning: மோசடியில் இது புதுசு – எச்சரிக்கும் வாட்ஸ்அப்?
BluSnap2 அம்சங்கள்
BluSnap2 இன் அடிப்படை மாடலை குறித்து பார்க்கும்போது, அதிகபட்சமாக 1X காற்றோட்டத்தைக் கொண்டிருக்கும். இதன் எடை 250 கிராம் ஆக உள்ளது. இதன் விலை ரூ.1,299 ஆக நிர்ணயம் செய்யப்பட்டுள்ளது.
BLU3 A10 அம்சங்கள்
இரண்டாவது மாடலான BLU3 A10 விலை ரூ.2299 ஆக உள்ளது. இதன் மூலம் ஹெல்மெட்டின் வெப்பநிலையை 15 டிகிரி செல்சியஸ் வரை குறைக்கலாம். இதில் 2X வரை காற்றின் வேகம் இருக்கும். கூடுதலாக, மூன்று வேக மின்விசிறி கட்டுப்பாடும் வழங்கப்படுகிறது. இதில் இணைப்பு அம்சங்கள் எதுவும் இல்லை. இதன் எடை 260 கிராமாக உள்ளது.
BLU3 E20 அம்சங்கள்
BLU3 E20 மாடலானது, இணைப்பு அம்சங்களுடன் 2x காற்றோட்டத்தை, 3 வேக விசிறி கட்டுப்பாடுடன் வழங்குகிறது. அதன் உதவியுடன், பயனர்கள் இசை மற்றும் அழைப்புகளை மேற்கொள்ளலாம். கூடுதலாக WhatsApp செய்திகளையும் அணுகலாம். இது செயலிகளின் உதவியுடன் பயன்படுத்தப்பட வேண்டும்.
செய்திகளை உடனுக்குடன் படிக்க கூகுள் நியூஸ் ‘சமயம் தமிழ்’ பக்கத்தை பின் தொடருங்கள்
கூடுதலாக இது வாய்ஸ் அசிஸ்டண்ட் ஆதரவையும் கொண்டுள்ளது. இந்த கேட்ஜெட்டுகள் அனைத்தும் நிறுவனத்தின் இணையதளத்தில் இருந்து நேரடியாக வாங்கலாம். இந்த பிராண்ட் தற்போது கோடைகால விற்பனையையும் தொடங்கியுள்ளது. அதன்மூலம், பயனர்களுக்கு 30% விழுக்காடு வரை தள்ளுபடியும் வழங்கப்படுகிறது.
மேலதிக செய்திகள்:
Upcoming Phones May 2022: கூகுள் பிக்சல் முதல் விவோ X80 வரை டாப் கிளாஸ் போன்கள் வெளியாக தயார்!
TikTok: விண்வெளியில் டிக்டாக் வெளியிட்ட பெண் – வைரல் வீடியோ!
WhatsApp Update: அட்மினுக்கு அதிகாரம்; பெரிய பைல்கள் – பலே அம்சங்களை வெளியிட்ட வாட்ஸ்அப்!