ராட்சசன் படத்தையடுத்து மீண்டும் இணையும் விஷ்ணு விஷால் -அமலாபால்
ராம்குமார் இயக்கத்தில் 2018ம் ஆண்டு வெளியான படம் ராட்சசன். இப்படத்தில் விஷ்ணு விஷால், அமலா பால் இணைந்து நடித்தார்கள். இந்த நிலையில் தற்போது மீண்டும் அவர்கள் ‛மின்மினி' என்ற படத்தில் இணைந்து நடிக்கப் போகிறார்கள்.
சில்லுக்கருப்பட்டி, ஏலே போன்ற படங்களை இயக்கியவர் ஹலிதா சமீம். இவர் ஏற்கனவே மின்மினி என்ற படத்தின் முதல் பாதியை இயக்கி உள்ளார். பீரியட் கதையில் உருவாகி வரும் இந்த படத்தில் 6 ஆண்டுகளுக்கு முன்பு குழந்தை நட்சத்திரமாக நடித்தவர்கள், இளைஞர்களாக வளரும் வரை காத்திருந்து ஆறு ஆண்டுகள் கழித்து தற்போது அப்படத்தின் இரண்டாம் பாதியை இயக்கப் போகிறார் ஹலிதா சமீம். இந்த இரண்டாம் பாதையில்தான் விஷ்ணு விஷாலும், அமலாபாலும் சிறப்பு தோற்றத்தில் கதைக்கு முக்கியத்துவம் வாய்ந்த கதாபாத்திரத்தில் நடிக்கப் போகிறார்கள்.