புதுடில்லி: தலைநகர் டில்லியில் வெயில் சுட்டெரிப்பதால் நேற்று ஆரஞ்சு எச்சரிக்கை விடுக்கப் பட்டு உள்ள நிலையில் இன்றைய வெப்பம் 49.2 டிகிரி செல்ஷியஸ் என்ற அளவுக்கு உயர்ந்தது.
டில்லி நகரில், கடந்த இரண்டு நாட்களாக கடும் வெயில் அடிக்கிறது. இதனால் அனல் காற்று வீசுகிறது. டில்லியின் பீதம்புராவில் 44.7 டிகிரி செல்ஷியஸ், நஜாப்காரில் 46.1; ஜபார்பூர் மற்றும் முங்கேஷ்பூரில் 45.6 டிகிரி செல்ஷியஸ் வெப்பம் பதிவானது. இன்று வெயிலின் அளவு அதிகரிக்கும் என அறிவித்துள்ள இந்திய வானிலை ஆய்வு மையம், டில்லிக்கு ஆரஞ்சு எச்சரிக்கை விடுத்துள்ளது. கடந்த 1951ம் ஆண்டுக்குப் பின், இந்த ஆண்டு தான் ஏப்ரல் மாதத்தில் டில்லியில் அதிக அளவு வெப்பம் பதிவாகியுள்ளது.
இந்நிலையில் இன்று (மே.15)அதிகபட்சமாக மங்கேஷ்பூர் என்ற பகுதியில் 49.2 டிகிரி செல்ஷியஸ் அளவுக்கு வெப்பம் பதிவாகி சாதனை படைத்துள்ளதாகவும் , இது தான் அதிகபட்ச வெப்ப நிலை என கூறப்படுகிறது.
கேரளாவில் மழை எச்சரிக்கை
இந்திய வானிலை மையம் வெளியிட்டுள்ள அறிக்கை:கேரளாவின் எர்ணாகுளம், இடுக்கி மாவட்டங்களில் மிக அதிக கன மழை பெய்யக்கூடும். எனவே, இம்மாவட்டங்களுக்கு ‘ரெட் அலெர்ட்’ விடுக்கப்பட்டுள்ளது. திருவனந்தபுரம், கொல்லம், பத்தனம்திட்டா, ஆலப்புழா, கோட்டயம் மற்றும் திருச்சூர் மாவட்டங்களுக்கு ‘ஆரஞ்சு அலெர்ட்’ விடுக்கப்பட்டுள்ளது.
இங்கு, 16ம் தேதி வரை அதிக கன மழை கொட்டும். மலப்புரம், கோழிக்கோடு மற்றும் வயநாடு மாவட்டங்களில் கன மழை பெய்யும் என்பதால், ‘மஞ்சள் அலெர்ட்’ அறிவிக்கப்பட்டுள்ளது. கடலில் 40 – 50 கி.மீ., வேகத்தில் காற்று வீசக்கூடும். எனவே, மீனவர்கள் கடலுக்குள் செல்ல வேண்டாம். தென்மேற்கு பருவ மழை இந்த ஆண்டு ஐந்து நாட்களுக்கு முன்னதாக, மே 27ல் துவங்கும் என எதிர்பார்க்கப்படுகிறது.இவ்வாறு அறிக்கையில் கூறப்பட்டுள்ளது
.
புதுடில்லி: தலைநகர் டில்லியில் வெயில் சுட்டெரிப்பதால் நேற்று ஆரஞ்சு எச்சரிக்கை விடுக்கப் பட்டு உள்ள நிலையில் இன்றைய வெப்பம் 49.2 டிகிரி செல்ஷியஸ் என்ற அளவுக்கு உயர்ந்தது. டில்லி
ஊடக தர்மம் உங்கள் கரங்களில்…!
சமரசத்துக்கு இடமளிக்காமல்… அதிகாரத்துக்கு அடிபணியாமல்… நேர்மையான முறையில் துணிச்சலான செய்திகளை மக்களிடம் கொண்டு சேர்க்கும் இணையத்தள செய்தி ஊடகங்களுக்கு, விளம்பர வருவாயே உயிர்நாடி. அதுவே, நீங்கள் விரும்பி வா(நே)சிக்கும் தினமலர், இணையதளத்துக்கும்…
ஆகவே அன்பிற்கினிய வாசகர்களே,‘ஆட்பிளாக்கர்’ உபயோகிப்பதை தவிர்த்து, துணிச்சலான ஊடகத்தின் நேர்மைக்கு தோள் கொடுங்கள். உங்கள் பார்வைக்கு இடையூறாக வரக்கூடிய விளம்பரத்தை மட்டும், ’ஸ்கிரீன் ஷாட்’ எடுத்து எங்களுக்கு அனுப்புங்கள். உங்களின் சிரமத்துக்கு தீர்வு காணுகிறோம்.
இங்கு வெளியாகும் விளம்பரங்கள், வாசகர்களுக்கு பயனளிக்கும் என்பதாலேயே சேர்க்கப்படுகின்றன. Ad blocker போடுவதன் மூலம், பயனுள்ள பல தகவல்களை நீங்கள் தவறவிடவும் வாய்ப்புண்டு. Ad blocker ஐ தவிருங்கள்.
