கிளாமர் குறித்து கீர்த்தி சுரேஷ்
சாணிக்காகிதம், சர்க்காரு வாரி பாட்டா படங்களைத் தொடர்ந்து தமிழில் மாமன்னன் தெலுங்கில் தசரா, போலா சங்கர், மலையாளத்தில் வாசி ஆகிய படங்களில் நடித்து வருகிறார் கீர்த்தி சுரேஷ். இந்த நிலையில் கிளாமர் குறித்த ஒரு கேள்விக்கு அவர் கூறுகையில், கிளாமர் வேடங்களில் நடிப்பதற்கு நான் ஒருபோதும் மறுத்ததில்லை. ஆனால் கிளாமர் குறித்து நான் சொன்னது தவறாக புரிந்து கொள்ளப்பட்டது. கிளாமர் என்றால் அழகு. ஆனால் அதை கவர்ச்சி என்று மிகைப்படுத்திவிட்டோம். உடம்பை காண்பிக்கும் ஆடைகளை நான் அணிய மாட்டேன். என்னை அழகாக காட்டும் ஆடைகளையே அணிவேன். முக்கியமாக ஆடையுடன் கூடிய கிளாமரை வெளிப்படுத்துவேன் என்பதுதான் எனது கருத்தாக இருந்தது. கிளாமர் வேடம் என்பதற்காக ஆடை குறைத்து நடிப்பேன் என்று நான் ஒருபோதும் கூறியதில்லை என்று தெரிவித்திருக்கிறார் கீர்த்தி சுரேஷ்.