நெல்லை பொன்னாக்குடி அருகே கல்குவாரி ஒன்று அமைந்துள்ளது. இங்கு தொழிலாளர்கள் கடந்த 2 நாட்களுக்கு முன்பு குவாரி பணிகளில் ஈடுபட்டுக் கொண்டிருந்தனர்.
இந்த நிலையில் கல்குவாரியில் இருந்த பாறை திடீரென சரிந்து விழுந்தது. இந்த விபத்தில் 300 அடி ஆழ பள்ளத்தில் 6 தொழிலாளர்கள் சிக்கி கொண்டனர்.
இச்சம்பவம் குறித்து தகவல் அறிந்து விரைந்து வந்த தீயணைப்பு துறையினர் மீட்புப் பணிகளில் ஈடுபட்டு வருகின்றனர். இந்த நிலையில் கல்குவாரியில் சிக்கிய 6 பேரில் விஜய் மற்றும் முருகன் ஆகிய 2 பேர் உயிருடன் மீட்கப்பட்டுள்ளதாக மீட்புக் குழுவினர் தெரிவித்தனர். மேலும், ஒருவர் உயிரிழந்துள்ளார்.
இந்த நிலையில் கல்குவாரி விபத்தில் சிக்கி உயிரிழந்தவர்களின் குடும்பத்திற்கு காங்கிரஸ் கட்சியின் சார்பில் ரூ.1 லட்சம் நிதியுதவி வழங்கப்படும் என தமிழக காங்கிரஸ் தலைவர் கே.எஸ்.அழகிரி அறிவித்துள்ளார்.