YouTube Most Replayed:
நீங்கள் காணும்
யூடியூப்
வீடியோவின் சலிப்பூட்டும் பகுதிகளைத் தவிர்த்துவிட்டு, அதற்குப் பதிலாக ரசித்துப் பார்த்த பகுதிகளை மட்டும் உடனடியாக பார்க்கும்படியான அம்சம் ஒன்று இருந்தால் எப்படி இருக்கும்.
ஆம். பெரும்பாலான பயனர்களுக்கு இது தோன்றியிருக்கும். காரணம் வீடியோக்களில் உள்ள ஒரு பகுதியை மட்டும் பலமுறை பார்த்துவிட்டு, மீண்டும் அந்த வீடியோவில் உள்ள அக்குறிப்பிட்ட பகுதியை பார்க்க வேண்டும் என்றால், சில நிமிடங்கள் செலவு செய்து தேட வேண்டியிருக்கும்.
இதை புரிந்துகொண்ட
கூகுள்
நிறுவனம், தனது யூடியூப் தளத்தில் புதிய அம்சத்தை நிறுவியுள்ளது. இந்த அம்சத்தின் உதவியுடன் அவர்கள் காணும் வீடியோக்களின் கீழ், அதிகம் பார்க்கப்பட்ட பகுதி காட்சிப்படுத்தப்படும். அதில், அவர்களுக்குத் தேவையான பகுதியை கிளிக் செய்து காணமுடியும்.
JioPhone Next: மிகப்பெரும் தள்ளுபடி விலையில் ஜியோ 4ஜி போன் – விலைய பாத்து ஷாக் ஆகிடாதீங்க!
யூடியூப் வீடியோ சிறப்பம்சங்கள்
பார்வையாளர்கள் சிவப்பு நிறத்தில் அவர்கள் அதிகம் பார்த்த வீடியோவின் பகுதி வரையறுத்துக் காட்டப்படும் என்று யூடியூப் தனது அறிக்கையில் குறிப்பிட்டுள்ளது. வரைபடத்தின் வாயிலாக இது பயனர்களுக்கு காட்சிப்படுத்தப்படும்
மேலும், வரைப்படத்தில் உள்ள அந்த பகுதிக்கு நீங்கள் செல்லும்போது, அதற்குண்டான முகப்புப்படம், அதாவது தம்ப்நெய்ல் காட்டப்படும். முன்னதாக இந்த அம்சத்தை நிறுவனம் பிரீமியம் பயனர்களுக்கு மட்டும் கொடுத்து சோதனை செய்துவருகிறது.
ஆனால் இன்று முதல், Android மற்றும் iOS பயனர்கள் அனைவருக்கும் இந்த அம்சம் இலவசமாக வழங்கப்படுகிறது. கூகுள் நிறுவனம் டிக்டாக்குக்கு போட்டியாக தனது யூடியூப் தளத்தில் பல வசதிகளை அறிமுகம் செய்து வருகிறது.
Viral Video: ட்விட்டர் மீது கடும் தாக்கு – பகிரங்க குற்றச்சாட்டை வெளியிட்ட ஊழியர்!
யூடியூப் கிளிப்
நிறுவனம் சமீபத்தில் Share Clips எனும் புதிய வசதியைப் பயனர்களுக்காக அறிமுகம் செய்துள்ளது. பீட்டா பயனர்களுக்கு மட்டுமே இந்த வசதி சோதனை முயற்சியாக வழங்கப்பட்டது. தற்போது இந்த சேவையை அனைத்து பயனர்களும் அனுபவித்து வருகின்றனர்.
இந்த வசதியைப் பயன்படுத்தி, 60 நொடிகளுக்கு வீடியோ கிளிப்பிங்குகளை பயனர்கள் நறுக்க முடியும். அதாவது, நீங்கள் ஒரு காணொலியை பார்த்துக் கொண்டிருக்கிறீர்கள் என வைத்துக் கொள்வோம். அதில் இருக்கும் ஒரு குறுகிய பகுதி மட்டும் உங்களுக்குப் பிடித்திருக்கிறது. அதை மட்டும், உங்கள் நண்பர்களுடன் பகிர, இந்த வசதி பயன்படும்.
Apple iOS 15.5: ஆப்பிள் பயனர்களுக்கு குட் நியூஸ் – புதிய அப்டேட்டில் பல அம்சங்கள்!
யூடியூப் டிரான்ஸ்கிரிப்ஷன்
ஒரு நீண்ட வீடியோவை நீங்கள் காணும் போது, எந்த இடத்தில் எந்த தகவல் கூறப்பட்டிருக்கிறது என்பது உங்களுக்கு தெரியாது. யூடியூப் டிரான்ஸ்கிரிப்ஷன் அம்சத்தின் உதவியுடன் இரண்டு அல்லது மூன்று நொடிகளுக்கு காணொலியில் எது குறித்து பேசப்படுகிறது என்பதை Timeline வாயிலாகக் காணலாம்.
செய்திகளை உடனுக்குடன் படிக்க கூகுள் நியூஸ் ‘சமயம் தமிழ்’ பக்கத்தை பின் தொடருங்கள்
இந்த அம்சத்தினை பயன்படுத்தி, நீண்ட நேர வீடியோக்களில் தேவையான பகுதியை மட்டும் தேர்ந்தெடுத்து நாம் காண முடியும். தேவையில்லாமல் முழு வீடியோவை பார்த்து நேரத்தை வீணடிக்க வேண்டிய அவசியம் இருக்காது.