புதுடெல்லி:
பிரதமர் நரேந்திர மோடி தலைமையிலான மத்திய அரசு ஆட்சிக்கு வந்து எட்டு ஆண்டுகளாகியுள்ளதை, பா.ஜ.,வினர் கொண்டாடி வரும் நிலையில், ‘எட்டு ஆண்டுகள் – 8 சூழ்ச்சிகள் – பா.ஜ., அரசு தோல்வி’ என்ற தலைப்பில் சிறு கையேட்டை தயாரித்து காங்கிரஸ் கட்சி வெளியிட்டது.
இது குறித்து காங்கிரஸ் மூத்த தலைவர்கள் அஜய் மாகன், ரந்தீப்சிங் சுர்ஜேவாலா ஆகியோர் தெரிவிக்கையில், ஆட்சிக்கு வருவதற்கு முன் பா.ஜ.,வினர் அளித்த வாக்குறுதிகள் எங்கே போனது என்றே தெரியவில்லை.
பாஜக ஆட்சியில் அத்தியாவசியப் பொருட்களின் விலைவாசி, விண்ணை முட்டிக் கொண்டிருக்கிறது.
ஊடக சுதந்திரம், பாலின வேறுபாடு, சட்டம் ஒழுங்கு, சமூக நல்லிணக்க வளர்ச்சி, ஜனநாயக வளர்ச்சி, உணவு பாதுகாப்பு உள்ளிட்ட முக்கிய விஷயங்களில் சர்வதேச அளவில் இந்தியாவின் தரம், பலமடங்கு சரிந்து விட்டது என்று தெரிவித்துள்ளனர்.
இது பா.ஜ., அரசு அனைத்து துறைகளிலும் தோல்வி அடைந்து விட்டது என்பதை தெளிவாக காட்டுகிறது என்று கூறினார்.