ரஷ்யாவில் விமானி ஒருவர் தன்னிடம் விமான பயிற்சி பெறும் பெண்ணுடன் ஓடும் விமானத்தில் பாலியல் உறவு கொண்டு அதை வீடியோ எடுத்த சம்பவம் அரங்கேறி உள்ளது.
ரஷ்யாவின் சசோவா விமான பள்ளியில் பணிபுரியும் 28 வயது விமான பயிற்சி ஆசிரியர், தன்னிடம் பயிற்சி பெறும் பெண்ணுடன் செஸ்னா 172 என்ற விமானத்தில் வழக்கம் போல பயிற்சிக்காக பயணம் மேற்கொண்டார். இந்த பயணத்தின் போது அந்த ஆண் விமானி, பெண் பயிற்சியாளரிடம், “தன்னுடன் பறக்கும் விமானத்தில் பாலியல் உறவு கொள்ள வேண்டும். அதை நான் வீடியோ படம் பிடிக்கப் போகிறேன்” என்றுள்ளார். இதற்கு அந்த பெண் முதலில் தயங்கியதாகக் கூறப்படுகிறது.
அந்த ஆண் பயணி திருமணமானவர் என்ற நிலையில், நான் உனக்கு கூடுதல் வகுப்பு எடுத்து நன்றாக பயிற்சி அளிப்பேன் என அந்த பெண்ணிடம் கூறியுள்ளார். இதையடுத்து அந்த பெண்ணும் விமானியின் கோரிக்கைக்கு சம்மதம் கொடுத்துள்ளார். விமானத்தை ஆட்டோ பைலட் மோட்டில் போட்டு இருவரும் ஓடும் விமானத்தின் காக்பிட் பகுதியில் பாலியல் உறவில் ஈடுபட்டு அதை வீடியோ எடுத்துள்ளனர்.
Monkeypox: உலகிற்கு புதிய ஆபத்து: சமூகப் பரவலாகும் குரங்கம்மை!
இந்த வீடியோ சமூக வலைதளத்தில் லீக்காகி வைரலாகி உள்ளது. இது விமான பள்ளியின் நிர்வாகத்திற்கு தெரிய வரவே, விசாரணையில் சம்பந்தப்பட்ட இருவரையும் பள்ளியில் இருந்து நீக்கியுள்ளது. அத்துடன் இது தொடர்பாக உரிய விசாரணை நடத்த உத்தரவிட்டுள்ளது. மேலும், சம்பந்தப்பட்ட பெண் விமானி முதலில் கட்டிப்பிடித்து முத்தம் கொடுக்க தான் முதலில் சம்மதம் வழங்கியதாகவும் பின்னர் அதை சாதகமாக வைத்து ஆண் பயணி பாலியல் உறவு வரை கொண்டு சென்று விட்டதாகவும் கூறப்படுகிறது.