ஸ்ருதி சண்முகப்ரியாவின் பேச்சுலர் பார்ட்டி புகைப்படங்கள் வைரல்
நாதஸ்வரம் தொடரில் அறிமுகமானவர் ஸ்ருதி சண்முகப்ரியா. தொடர்ந்து பொன்னூஞ்சல், கல்யாண பரிசு, வாணி ராணி, பாரதி கண்ணம்மா உள்ளிட்ட பல தொடர்களில் நடித்துள்ளார். ஸ்ருதிக்கும் மிஸ்டர் தமிழ்நாடு பட்டம் வென்ற அர்விந்த் சேகர் என்பவருக்கும் சில மாதங்களுக்கு முன் நிச்சயதார்த்தம் நடந்தது. இதனையடுத்து ஸ்ருதி நடிப்பதிலிருந்து முற்றிலுமாக விலகி கொண்டார். இந்நிலையில், இவர்களது திருமணம் நேற்று முன்தினம் சென்னையில் வைத்து கோலகலமாக நடைபெற்று முடிந்துள்ளது. முன்னதாக நடைபெற்ற பேச்சுலர் பார்ட்டியில் சின்னத்திரை பிரபலங்களில் நல்காரி ப்ரியங்கா, காவ்யா அறிவுமணி, அஸ்வந்த் திலக், பென்ஸி உள்ளிட்ட பலரும் கலந்து கொண்டுள்ளனர். அவர்கள் அனைவரும் ஒன்று போல கருப்பு உடையில் வந்து பேச்சுலர் பார்ட்டியில் ஆட்டம் போட்டுள்ளனர். தற்போது அர்விந்த் – ஸ்ருதியின் திருமண புகைப்படங்களுடன் பேச்சுலர் பார்ட்டி புகைப்படங்களும் வைரலாகி வருகிறது.