முழுநீள மலையாள படத்தில் நடிக்க ஆசை – பிக்பாஸ் நிகழ்ச்சியில் கமல் பேச்சு
கமல்ஹாசன் நடிப்பில் 4 ஆண்டுகளுக்கு பிறகு வெளிவரும் படம் விக்ரம். இந்த படத்தின் புரமோசனுக்காக பல இடங்களுக்கு சென்று கொண்டிருக்கிறார் கமல். பட புரமோசனின் ஒரு பகுதியாக மலையாள பிக் பாஸ் நிகழ்ச்சியில் சிறப்பு விருந்தினராக கலந்து கொண்டிருக்கிறார். இந்த நிகழ்ச்சியை மோகன்லால் நடத்தி வருகிறார்.
மலையாள பிக் பாஸ் நிகழ்ச்சியில் விக்ரம் படத்தின் டிரைலர் வெளியிடப்பட்டது. நிகழ்ச்சியில் பேசிய மோகன்லால், கமல்ஹாசனை இந்திய சினிமாவின் லெஜண்ட் என்று பாராட்டினார். நான் மோகன்லாலின் ரசிகன் என்று கமல் பேசியுள்ளார். பின்னர் செய்தியாளர்களிடம் பேசிய கமல் “முழுநீள மலையாள திரைப்படத்தில் மீண்டும் நடிக்க ஆர்வமுடன் இருக்கிறேன். குறிப்பாக மம்முட்டியுடன் ஒரு படத்தில் நடிக்க ஆர்வமாக இருக்கிறேன். இப்போதுள்ள மலையாள நடிகர்கள், இயக்குனர்கள் ஆழமாக சிந்திக்கிறார்கள். அவர்களுடன் பணியாற்ற ஆவலாக இருக்கிறேன்” என்றார்.