குஜராத்தில் ஆழ்துளை கிணற்றில் இருந்து 18 மாத ஆன் குழந்தையை ராணுவம் வீரர்கள் உயிருடன் பத்திரமாக மீட்டெடுத்த சம்பவம் அதிசயமாக பேசப்படுகிறது.
இந்திய மாநிலம் குஜராத்தில், சுரேந்திரநகர் மாவட்டத்தில் உள்ள பண்ணை ஒன்றில் 18 மாத சிறுவன் ஆழ்துளை கிணற்றில் விழுந்தான். அதைத் தொடர்ந்து ராணுவம், தீயணைப்புப் படையினர், காவல்துறை மற்றும் சுகாதாரத்துறை அதிகாரிகள் சம்பவ இடத்திற்கு விரைந்து வந்து அவனை மீட்டதாக அதிகாரிகள் புதன்கிழமை (ஜூன் 8) தெரிவித்தனர்.
ராணுவ குழு அவரை அரசு மருத்துவமனைக்கு கொண்டு சென்றது, அங்கு அவரது உடல்நிலை சீராக இருப்பதாக கூறப்படுகிறது.
சம்பவம் எப்போது நடந்தது?
செவ்வாய்க்கிழமை (ஜூன் 7) இரவு 8:00 மணியளவில் சிறுவன் சிவம் (Shivam), துடாபூர் கிராமத்தில் உள்ள ஒரு தோட்டத்தில் விளையாடிக் கொண்டிருந்தபோது, அவனது பெற்றோர் கூலி வேலை செய்து கொண்டிருந்தனர்.
அப்போது, குழந்தை ஆழ்துளை கிணற்றில் தவறி விழுந்து 20-25 அடி ஆழத்தில் சிக்கிக்கொண்டார்.
In a complex & swift rescue operation last night #INDIANARMY extricated an 18 month old child from 300 ft borewell submerged in water at Dhrangadhra #Gujarat. Presence of mind & innovative methods led to saving of the precious life.#KonarkCorps#HarKaamDeshKeNaam pic.twitter.com/ApOunlVY0g
— Southern Command INDIAN ARMY (@IaSouthern) June 8, 2022
மாவட்ட நிர்வாக அதிகாரிகளுக்கு இது பற்றி தகவல் கிடைத்ததும், அவர்கள் உள்ளூர் பேரிடர் மேலாண்மை பிரிவு மற்றும் அகமதாபாத்தில் உள்ள தேசிய பேரிடர் மீட்புப் படையின் (NDRF) குழுவிற்கு தகவல் கொடுத்தனர்.
ராணுவம், காவல்துறை மற்றும் மாநகராட்சியின் கூட்டு முயற்சி:
உள்ளூர் நிர்வாகம் இராணுவம், அகமதாபாத் மாநகராட்சி மற்றும் காவல்துறையின் உதவியையும் நாடியது.
இதையடுத்து ராணுவம், பொலிஸார், மாவட்ட நிர்வாக ஊழியர்கள் மற்றும் கிராம மக்கள் அடங்கிய குழுவினர் சம்பவ இடத்துக்கு விரைந்தனர்.
அவர்கள் ஒருங்கிணைந்து பணியாற்றி, இரவு 10:45 மணியளவில் குழந்தை ஆழ்துளை கிணற்றில் இருந்து வெளியே எடுக்கப்பட்டான்.
பின்னர் சிறுவன் திரங்காத்ரா நகரில் உள்ள அரசு மருத்துவமனைக்கு கொண்டு செல்லப்பட்டான், அங்கிருந்து மேல் சிகிச்சைக்காக மாவட்ட அரசு மருத்துவமனைக்கு அனுப்பப்பட்டான், இப்போது குழந்தையின் உடல்நிலை சீராக உள்ளது என்று மருத்துவர்கள் கூறியுள்ளனர்.
ராணுவம், காவல்துறை மற்றும் பிற அதிகாரிகள் சம்பவ இடத்துக்கு வந்த பிறகு 40 நிமிடங்களில் மீட்புப் பணி நிறைவடைந்தது.
குழுவினர் புத்திசாலித்தனமாக உலோக கொக்கியை மாற்றி மணிலா கயிற்றில் கட்டி போர்வெல்லில் இறக்கினர். சில நிமிடங்களில், குழந்தையின் டி-ஷர்ட்டில் கொக்கி சிக்கியது, கயிறு வெற்றிகரமாக வெளியே இழுக்கப்பட்டது.
Love and Care by #IndianArmy. After rescue of one and half year old child #Shivam from a narrow borewell in Dudhapur village of Dhrangadhra Taluka, approx 20 km away from #Military Station.@IaSouthern @adgpi @indiatvnews @DefenceMinIndia pic.twitter.com/s081Apd8gh
— Manish Prasad (@manishindiatv) June 9, 2022