போக்கோ எஃப்4 5ஜி சிறப்பம்சங்கள் (Poco F4 5G Specifications)
POCO F4 5G: போக்கோ நிறுவனத்தின் எஃப் தொடர் ஸ்மார்ட்போன்கள் எப்போதும் ஸ்பெஷல் தான். அந்த வகையில் நிறுவனம் முதலில் வெளியிட்ட போன்கள் நல்ல வரவேற்பைப் பெற்ற நிலையில், கொரோனா காலகட்டத்தில் அறிமுகமான எஃப் தொகுப்பு போன்கள் நினைத்தபடி சிறப்பான விற்பனையைக் காணவில்லை.
இந்த குறையைப் போக்க நிறுவனம் தற்போது புதிய போக்கோ எஃப்4 5ஜி போனை இந்திய சந்தைக்குக் கொண்டுவருகிறது. இதில் பல அதிரடி சிறப்பம்சங்கள நிறுவனம் சேர்த்துள்ளது.
எஃப் தொகுப்பு எப்போது பட்ஜெட் பிரீமியம் போனாக இருக்கும் என்று மனதில் கோட்டை கட்டி வைத்திருக்கும் பயனர்களுக்கு நல்ல செய்தியை போக்கோ அளித்துள்ளது.
விரைவில் இந்திய சந்தையில் கொண்டுவரப்படும் இந்த ஸ்மார்ட்போனின் விலை விவரங்கள் தெரியவந்துள்ளது. அதன்படி, இந்தியாவில் ரூ.25,000க்கும் குறைவான விலையில் இந்த மொபைல் வெளியாகும் என எதிர்பார்க்கப்படுகிறது.
iPhone 14 Max Leaks: விடைபெறும் ஐபோன் 13 மினி… தடம்பதிக்கும் ஐபோன் 14 மேக்ஸ்!
போக்கோ எஃப்4 5ஜி விலை (Poco F4 5G Price in India)
சீனாவில் வெளியான ரெட்மி K40S ஸ்மார்ட்போனின் மறுபெயரிடப்பட்ட போன் தான் போக்கோ எஃப்4 5ஜி என்று தகவல்கள் தெரிவிக்கின்றன. இந்த ரெட்மி போன் இந்திய மதிப்பில் ரூ.21,500 முதல் ரூ.28,000 வரை பல வகைகளில் வெளியிடப்பட்டது.
அதை வைத்து பார்க்கும்போது, இந்தியாவில் இந்த புதிய போக்கோ எஃப்4 5ஜி போன் ரூ.24,999 முதல் ரூ.28,999 வரை விலை நிர்ணயத்துடன் பல வேரியண்டுகளில் வெளியாகும் என எதிர்பார்க்கப்படுகிறது. பிளாக், சில்வர், இரிடிசெண்ட், கிரீன் ஆகிய நான்கு நிறங்களில் வெளியாகிறது.
போக்கோ எஃப்4 5ஜி சிறப்பம்சங்கள் (Poco F4 5G Specifications)
புதிய போக்கோ எஃப்4 5ஜி ஸ்மார்ட்போன் 6.67 இன்ச் முழுஅளவு எச்டி+ அமோலெட் டிஸ்ப்ளே உடன் வருகிறது. 120Hz ரெப்ரெஷ் ரேட்டுடன் இந்த டிஸ்ப்ளே இருக்கிறது. கார்னிங் கொரில்லா கிளாஸ் பாதுகாப்பும் வழங்கப்படும்.
-6.67 இன்ச் முழு எச்டி+ அமோலெட் 120Hz டிஸ்ப்ளே-குவால்காம் ஸ்னாப்டிராகன் 870 சிப்செட்-12ஜிபி ரேம் + 256ஜிபி ஸ்டோரேஜ்-64MP + 8MP + 2MP பின்பக்க கேமரா-20MP செல்ஃபி கேமரா-4,520mAh பேட்டரி, 67W பாஸ்ட் சார்ஜிங்போக்கோ எஃப்4 5ஜி
குவால்காம் ஸ்னாப்டிராகன் 870 சிப்செட் கொண்டு இந்த போன் இயக்கப்படுகிறது. போக்கோ எஃப்4 5ஜி போனில் 12ஜிபி வரை ரேம் + 256ஜிபி வரை ஸ்டோரேஜ் மெமரி ஆதரவும் கிடைக்கும். மைக்ரோ எஸ்டி கார்ட் மூலம் மெமரியை நீட்டிக்க முடியும்.
ஆண்ட்ராய்டு 12 அடிப்படையிலான MIUI 13 ஸ்கின் இதில் நிறுவப்பட்டிருக்கும். இரட்டை ஸ்பீக்கர்கள் கொண்ட டால்பி அட்மாஸ் ஒலித்திறன், டைப்-சி போன்ற சிறப்பம்சங்களைக் கொண்டிருக்கும்.
திருமணம் ஆன பெண்கள் Google-இல் என்ன தேடுகிறார்கள் – வெளியான ஷாக்கிங் ரிப்போர்ட்!
போக்கோ எஃப்4 5ஜி கேமரா (Poco F4 5G Camera)
பின்பக்க கேமராவைப் பொருத்தவரை, OIS உடன் வரும் 64 மெகாபிக்சல் முதன்மை சென்சார், 8 மெகாபிக்சல் அல்ட்ரா வைட் ஆங்கிள் லென்ஸ், 2 மெகாபிக்சல் மேக்ரோ சென்சார் ஆகியன அடங்கிய டிரிப்பிள் ரியர் கேமரா அமைப்பு உள்ளது.
செய்திகளை உடனுக்குடன் படிக்க கூகுள் நியூஸ் ‘சமயம் தமிழ்’ பக்கத்தை பின் தொடருங்கள்
செல்ஃபி, வீடியோ அழைப்புகளுக்காக 20 மெகாபிக்சல் கேமரா கொடுக்கப்படும். 5ஜி, வைஃபை6, ப்ளூடூத் 5.1 போன்ற இணைப்பு ஆதரவினையும் ஸ்மார்ட்போன் பெறுகிறது.
ஸ்மார்ட்போனை சக்தியூட்ட 4,520mAh பேட்டரியும், அதனை திறனூட்ட 67W பாஸ்ட் சார்ஜிங் ஆதரவும் வழங்கப்படும். இந்தியாவில் பிளிப்கார்ட் தளத்தில் விற்பனைக்கு கொண்டுவரப்படும் எனத் தெரிகிறது. இம்மாத இறுதிக்குள் போக்கோ எஃப்4 5ஜி போன் வெளியாகும் என்று எதிர்பார்க்கப்படுகிறது.