Nothing Phone 1 Launch Date in India: ஒன்பிளஸ் நிறுவனத்தின் இணை நிறுவனரும், நத்திங் நிறுவனத்தின் தலைவருமான கார்ல் பெய், கடந்த வாரம் நிறுவனத்தின் நத்திங் போன் (1) குறித்த அறிவிப்பை வெளியிட்டார். ஜூலை 12ஆம் தேதி இந்த ஸ்மார்ட்போன் அறிமுகம் செய்யப்படும் என்று தெரிவித்தார்.
லண்டனை தலைமையிடமாகக் கொண்டு செயல்பட்டு வரும் நத்திங் நிறுவனம், உலகளவில் ஆன்லைன் வழியாக ஒரே நேரத்தில் இந்த ஸ்மார்ட்போன் வெளியீட்டு நிகழ்வை நேரலை செய்கிறது. இந்த நேரத்தில் தான் புதிய தகவல் ஒன்றும் நமக்கு கிடைத்தது.
iPhone 14 Max Leaks: விடைபெறும் ஐபோன் 13 மினி… தடம்பதிக்கும் ஐபோன் 14 மேக்ஸ்!
இந்திய மக்களுக்கு தகுந்த விலையில் ஸ்மார்ட்போனை அறிமுகம் செய்ய நிறுவனம் முனைப்பு காட்டியது. அதற்கு, உள்நாட்டிலேயே தயாரிப்பு பணிகள் இருக்க வேண்டும்.
அப்படியென்றால் வரி சலுகைகள் கிடைக்கும். அந்த வரி சலுகைகளைப் பயன்படுத்தி ஸ்மார்ட்போன் விலையை குறைக்கலாம் என்பது நத்திங் நிறுவனத்தின் திட்டம்.
ஆஹா! கூகுளின் சாட்போட் மனிதனைப் போல சிந்திக்குதாம்… வெளியான ஷாக்கிங் ஸ்டோட்மெண்ட்!
தமிழ்நாட்டில் தயாராகும் நத்திங் போன்
இதனை நிறுவனம் இப்போது செயல்படுத்தத் தொடங்கியுள்ளது. இதற்காக சென்னையில் செயல்பட்டுவரும் ஃபாக்ஸ்கான், பெகட்ரான் ஆகிய நிறுவனங்கள் தேர்வு செய்யப்பட்டுள்ளது.
ஆப்பிள் ஐபோன் தயாரிப்பை மேற்கொண்டு வரும் இந்த நிறுவனங்களில், நத்திங் எந்த நிறுவனத்துடன் ஒப்பந்தம் போட்டுள்ளது என்பது குறித்த தகவல்கள் இன்னும் வெளியாகவில்லை. பிளிப்கார்ட் தளத்தின் வாயிலாக இந்த ஸ்மார்ட்போன் விற்பனைக்குக் கொண்டுவரப்படுகிறது.
ஆனால், ஒன்று மட்டும் உறுதியாகக் கூறலாம். இந்திய விலை சர்வதேச சந்தைகளுக்கு இணையாக இருக்கும், ஏனெனில் நிறுவனம் இறக்குமதிக்கு சுங்க வரி செலுத்த வேண்டியதில்லை. இந்த நன்மைகள் நுகர்வோருக்கு நேரடியாக கிடைக்கும்.
நத்திங் போன் 1 சிறப்பம்சங்கள் – Nothing Phone 1 Specifications
முதல் நத்திங் போனின் டிஸ்ப்ளே பெசல்கள் மிக மெலிதாக இருக்கும் என்று கூறப்படுகிறது. போனின் நான்கு மூலைகளும் வளைந்த வடிவமைப்புடன் வருகிறது.
போனின் கட்டமைப்பைப் பொருத்தவரை வானூர்த்திகளுக்கு பயன்படுத்தும் தரத்திலான அலுமினியம் பிரேம் கொண்டிருக்கும். இது போனின் உள்பாகங்களை விபத்தில் இருந்து பாதுகாக்க உதவும்.
ஸ்மார்ட்போன் பின்பக்கம் ஐபோன் 13 சாயலில் இருக்கும் என எதிர்பார்க்கப்படுகிறது. நிறுவனத்தின் தலைவர் கார்ல் பெய் கூறியது போல, ஐபோனுக்கு மாற்றாக இந்த போன் இருக்கும் என நம்பப்படுகிறது.
Online Fraud: திருடப்பட்ட பணம் பத்தே நாளில் கிடைக்க ஒரு சிறந்த வழி இருக்கு..!
இதில் 6.5 இன்ச் அளவிலான 90Hz புதுப்பிப்பு வீதம் கொண்ட முழு அளவு எச்டி+ அமோலெட் டிஸ்ப்ளே இடம்பெற்றிருக்கும். ஸ்மார்ட்போனை குவால்காம் ஸ்னாப்டிராகன் 7 ஜென் 1 சிப்செட் (Qualcomm Snapdragon 7 Gen 1 Soc) இயக்கும்.
செய்திகளை உடனுக்குடன் படிக்க கூகுள் நியூஸ் ‘சமயம் தமிழ்’ பக்கத்தை பின் தொடருங்கள்
ஆண்ட்ராய்டு 12 இயங்குதள அடிப்படையிலான நத்திங் ஓஎஸ் (NothingOS) இதில் நிறுவப்பட்டிருக்கும். சக்திவாய்ந்த 4,500mAh திறனுக்கு மேலாக பேட்டரி வழங்கப்படும் என்று எதிர்பார்க்கப்படும் நிலையில், 45W வேகமான சார்ஜிங் ஆதரவையும் இந்த போன் கொண்டிருக்கும் எனத் தெரியவந்துள்ளது.