வள்ளிமயில் படத்தின் பர்ஸ்ட் லுக் வெளியீடு
கோடியில் ஒருவன் படத்தை அடுத்து தமிழரசன், அக்னிச்சிறகுகள் , காக்கி, பிச்சைக்காரன்-2, மழை பிடிக்காத மனிதன் என பல படங்களில் நடித்து வருகிறார் விஜய் ஆண்டனி. இந்த நிலையில் சுசீந்திரன் இயக்கத்தில் நல்லுசாமி பிக்சர்ஸ் தயாரிப்பில் அவர் நடித்துள்ள வள்ளிமயில் என்ற படத்தின் பர்ஸ்ட் லுக் போஸ்டர் தற்போது வெளியிடப்பட்டுள்ளது. தமிழ், தெலுங்கு, மொழிகளில் இந்த போஸ்டர் வெளியிடப்பட்டுள்ளது. டி.இமான் இசையமைத்துள்ள இப்படத்தில் விஜய் ஆண்டனியுடன் சத்யராஜ், இயக்குனர் பாரதிராஜா, ரெடின் கிங்ஸ்லே ஆகியோரும் முக்கிய வேடங்களில் நடித்துள்ளனர். நாடக கலையை மையமாக வைத்து இந்த படம் உருவாகி வருகிறது. சமீபத்தில் முதற்கட்ட படப்பிடிப்பு முடிவடைந்தது. விரைவில் அடுத்தக்கட்ட படப்பிடிப்பு சென்னையில் துவங்க உள்ளது.