தங்கம் விலையானது பல்வேறு காரணிகளுக்கு மத்தியில் இன்று சர்வதேச சந்தையில் சற்று தடுமாற்றத்தில் காணப்படுகின்றது. குறிப்பாக தங்கம் விலையினை நிர்ணயிக்கும் முக்கிய காரணிகளில் ஒன்றான டாலரின் மதிப்பானது வலுவடைந்து வந்த நிலையில், இன்று சற்று தடுமாற்றத்தில் காணப்படுவது கவனிக்க வேண்டிய விஷயமாக பார்க்கப்படுகிறது.
எனினும் சரிவில் உள்ள பத்திர சந்தையானது தங்கத்திற்குஆதரவாக அமையலாம் என எதிர்பார்க்கப்படுகிறது.
தொடர்ந்து உக்ரைன் – ரஷ்யா இடையேயான பிரச்சனையானது இருந்து வரும் நிலையில், இது மேற்கொண்டு பணவீக்கத்தினை ஊக்குவிக்கலாம். இது ரெசசனுக்கு வழிவகுக்கலாம் என எதிர்பார்க்கப்படுகிறது.
சாமானியர்களுக்கு சரியான சான்ஸ்.. இன்று தங்கம் விலை எவ்வளவு குறைந்திருக்கு தெரியுமா?
இன்று வெளியாகும் முக்கிய அறிவிப்பு
பலத்த எதிர்பார்ப்புகளுக்கு மத்தியில் இன்று அமெரிக்காவின் ஃபெடரல் ரிசர்வ் வங்கியானது வட்டடி விகிதத்தினை அதிகரிக்கவுள்ளது. இதன் காரணமாக சந்தையில் பெரியளவில் மாற்றமில்லை எனலாம். இது தங்கம் விலையில் தாக்கத்தினை ஏற்படுத்துமா? வட்டி விகிதம் அதிகரிக்குமா? என்ற பலத்த எதிர்பார்ப்புகளுக்கு மத்தியில் இன்று மாலை வெளியாகவுள்ளது.
முதலீட்டாளர்களின் எதிர்பார்ப்பு
ஒரு வேளை எதிர்பார்ப்பினை போல வட்டி விகிதம் அதிகரிக்கப்பட்டால், அது தங்கம் விலையில் தாக்கத்தினை ஏற்படுத்தலாம். நிபுணர்கள் வட்டி விகிதம் 75 அடிப்படை புள்ளிகள் அதிகரிக்கலாம் என நம்புகின்றனர். இது மேற்கொண்டு தங்கம் விலையில் தாக்கத்தினை ஏற்படுத்தலாம். ஆக முதலீட்டாளர்கள் தங்களது முதலீடுகளை செய்யாமல் காத்துக் கொண்டுள்ளனர் எனலாம்.
முதலீடுகள் குறையலாம்
வட்டி விகிதம் அதிகரிக்கப்பட்டால் அது வட்டியில்லா முதலீடான தங்கத்தில் முதலீடுகளை குறைக்கலாம். மேலும் வ்ட்டி விகிதம் அதிகரிக்கும்போது அது டாலரின் மதிப்பு ஏற்றம் காண வழிவகுக்கும். ஆக டாலரில் வாங்குபவர்களுக்கு விலை உயர்ந்ததாக மாற்றும். இதுவும் தங்கத்தில் முதலீடு செய்வதை குறைக்கலாம்.
தங்கம் விலை குறையலாம்
தங்கம் விலையினை மேற்கொண்டு அழுத்தம் கொடுக்கும் விதமாக பத்திர சந்தையும் ஏற்றம் காணும்போது, நிச்சயம் தங்கம் விலை சரிவினை காணலாம். மொத்தத்தில் தங்கம் விலையானது மீடியம் டெர்மில் குறைய வாய்ப்புகள் அதிகம். இதன் காரணமாக தங்கம் விலையானது வரும் வாரங்களில் 1800 டாலர்களை உடைக்கலாம் என கணித்துள்ளனர்.
சர்வதேச நிலவரம்?
சர்வதேச சந்தையில் தங்கம் விலையானது தற்போது அவுன்ஸூக்கு 3.20 டாலர்கள் அதிகரித்து, 1816.90 டாலர்களாக வர்த்தகமாகி வருகின்றது. எனினும் இது பின்னர் குறைய அதிகம் வாய்ப்பிருப்பதாக நிபுணர்கள் கணித்துள்ளனர்
இதே வெள்ளியின் விலையும் கிட்டதட்ட 1% அதிகரித்து, 21.133 டாலராக வர்த்தகமாகி வருகின்றது.
ஆபரண தங்கம் விலை
சர்வதேச சந்தையில் தங்கம் விலை தடுமாறி வரும் நிலையில், ஆபரணத் தங்கம் விலை இன்று சற்று குறைந்துள்ளது. குறிப்பாக சென்னையில் ஆபரண தங்கத்தின் விலையானது கிராமுக்கு 35 ரூபாய் குறைந்து, 4,720 ரூபாயாகவும், இதே 8 கிராமுக்கு 280 ரூபாய் குறைந்து, 37,760 ரூபாயாக விற்பனை செய்யப்பட்டு வருகின்றது.
தூய தங்கம் விலை
சென்னையில் இன்று தூய தங்கத்தின் விலையும் இன்றும் குறைந்து காணப்படுகின்றது. இது கிராமுக்கு 38 ரூபாய் குறைந்து, 5150 ரூபாயாகவும், இதே சவரனுக்கு 41,200 ரூபாயாகவும் விற்பனை செய்யப்பட்டு வருகின்றது.
வெள்ளி விலை நிலவரம்
வெள்ளி விலையும் இன்று இதுவரையில் மாற்றம் காணவில்லை. இது தற்போது கிராமுக்கு 66 ரூபாயாகவும், இதே 10 கிராமுக்கு 660 ரூபாயாகவும், இதுவே கிலோவுக்கு 66,000 ரூபாயாகவும் விற்பனை செய்யப்பட்டு வருகின்றது.
gold prices rise from 1 month low: is it a right time to buy?
The price of gold has remained largely unchanged in the international market. The price of the same jewelry gold has remained largely unchanged so far.