ஆம்பூர் அருகே வீட்டிற்குள் புகுந்த பாம்பை பிடிக்க முயன்ற இளைஞர் பாம்பு கடித்து பரிதாபமாக உயிரிழந்தார்.
திருப்பத்தூர் மாவட்டம் ஆம்பூர் அடுத்த கன்றாம்பள்ளி பகுதியைச் சேர்ந்தவர் சூர்யா (23). இவர், இன்று காலை அதே பகுதியில் உள்ள ஓரு வீட்டில் புகுந்த அதிக வீரியம் கொண்ட கண்ணாடி வீரியன் பாம்பை பிடிக்க முயன்றுள்ளார். அப்போது எதிர்பாராத விதமாக் பாம்பு சூர்யாவை கடித்துள்ளது,
இதையடுத்து உடனடியாக அவரை மீட்ட அக்கம்பக்கத்தினர் சிகிச்சைக்காக ஆம்பூர் அரசு மருத்துவமனைக்கு அழைத்துச் சென்றனர். பின்னர் மேல்சிகிச்சைக்காக வேலூர் அரசு மருத்துவக் கல்லூரி மருத்துவமனைக்கு கொண்டு சென்ற நிலையில், அங்கு சிகிச்சை பலனின்றி சூர்யா பரிதாபமாக உயிரிழந்தார்.
இதனைத் தொடர்ந்து இச்சம்பவம் குறித்து உமராபாத் காவல்துறையினர் வழக்குப்பதிவு செய்து விசாரணை மேற்கொண்டு வருகின்றனர். பாம்பு பிடிக்கச் சென்ற இளைஞரை பாம்பு கடித்து உயிரிழந்த நிகழ்வு அப்பகுதியில் பெரும் சோகத்தை ஏற்படுத்தியுள்ளது..Source : WWW.PUTHIYATHALAIMURAI.COM
