ஆப்கானிஸ்தானில் செய்தி வாசிப்பாளர் ஒருவர் வேலை இழந்ததால், சாலையில் சமோசா விற்கும் நிலைக்கு தள்ளப்பட்டுள்ளார்.
தாலீபான்கள் ஆப்கானிஸ்தான் நாட்டை கைப்பற்றியதால், அங்கு பல்வேறு கட்டுப்பாடுகள் விதிக்கப்பட்டு வருகின்றன.
இதன் காரணமாக பல்வேறு நிறுவனங்கள் மூடும் நிலை ஏற்பட்டுள்ளது. அதேபோல் ஊடகங்களுக்கும் கடுமையான கட்டுப்பாடுகள் விதிக்கப்பட்டுள்ளது.
இந்த நிலையில் பல ஆண்டுகளாக செய்தி வாசிப்பாளராகவும், தொகுப்பாளராகவும் பணியற்றி வந்த மூஸா முகமது என்பவர், தற்போது தெருவோரத்தில் சமோசா உட்பட தின்பண்டங்களை விற்று வருகிறார்.
தாலீபான்களின் நெருக்கடியால் அவர் தனது வேலையை இழந்ததால், இவ்வாறு தெருவோரத்தில் சமோசா விற்கும் நிலைக்கு தள்ளப்பட்டுள்ளதாக கூறப்படுகிறது.
இதுதொடர்பான புகைப்படம் இணையத்தில் வைரலானதைத் தொடர்ந்து, நெட்டிசன்கள் பலர் கவலை தெரிவித்து வருகின்றனர்.
