Infinix INBook X1 Slim Launched: இன்பினிக்ஸ் நிறுவனம் இன்புக் எக்ஸ்1 ஸ்லிம் சீரிஸ் லேப்டாப்களை இந்தியாவில் அறிமுகப்படுத்தியது. சியோமி, ரியல்மி போலவே, இன்பினிக்ஸ் நிறுவனமும் லேப்டாப் வகைகளை அறிமுகம் செய்து, சந்தையில் தனக்கென ஒரு பெயரை நிலைநிறுத்த முனைப்புக் காட்டுகிறது.
அந்தவகையில், நிறுவனம் தற்போது வெளியிட்டிருக்கும் இன்பினிக்ஸ் இன்புக் எக்ஸ் 1 ஸ்லிம் மடிக்கணினிகள் அனைத்து அம்சங்களையும் உள்ளடக்கியதாக இருக்கிறது. மெட்டல் கட்டமைப்பு, பேக்லைட் கீபோர்ட், கைரேகை சென்சார், இன்டெல் புராசஸர், மெலிதான வடிவமைப்பு, மலிவான விலை என சிறப்பம்சங்கள் இதில் நிறைந்துள்ளது.
Nothing Phone (1): நத்திங் போன் (1) இருக்க… ஆப்பிள் ஐபோன் எல்லாம் எதுக்கு மக்களே!
இன்பினிக்ஸ் இன்புக் எக்ஸ்1 ஸ்லிம் விலை (Infinix INBook X1 Slim Price)
இன்பினிக்ஸ் INBook X1 ஸ்லிம் லேப்டாப் ஸ்டார்ஃபால் கிரே, காஸ்மிக் புளூ, நோபில் ரெட், அரோரா கிரீன் என நான்கு நிறங்களில் கிடைக்கிறது. விலையை பொருத்தவரை i3, 8ஜிபி + 256ஜிபி மாடல் ரூ.29,990க்கும். அதன் 8ஜிபி + 512ஜிபி மாறுபாடு ரூ.32,990க்கும் கிடைக்கிறது.
அதேபோல் i5 புராசஸர் கொண்ட 8ஜிபி + 512ஜிபி மாறுபாட்டின் விலை ரூ.39,990 ஆகவும், 16ஜிபி + 512ஜிபி மாறுபாட்டின் விலை ரூ.44,990 ஆகவும் நிர்ணயம் செய்யப்பட்டுள்ளன.
அதன் டாப் மாடலான i7 புராசஸர் கொண்ட 16ஜிபி + 512ஜிபி வேரியண்டின் விலை ரூ.49,990 ஆக நிர்ணயம் செய்யப்பட்டுள்ளது. இந்த லேப்டாப்கள் ஜூன் 21 முதல் பிளிப்கார்ட் தளத்தில் விற்பனைக்கு கொண்டு வரப்படுகின்றன. ஆக்சிஸ் வங்கி கிரெடிட் அல்லது டெபிட் கார்டு பயனர்களுக்கு கூடுதலாக ரூ.3000 சலுகையும் அளிக்க திட்டமிடப்பட்டுள்ளது.
Nothing Phone (1): லைட் எல்லாம் மின்னுது… வெளியான நத்திங் போனின் வீடியோ!
இன்பினிக்ஸ் இன்புக் எக்ஸ்1 ஸ்லிம் அம்சங்கள் (Infinix INBook X1 Slim Specifications)
புதிய இன்பினிக்ஸ் ஸ்லிம் லேப்டாப் வகைகள், 14 இன்ச் முழுஅளவு எச்டி திரையைக் கொண்டுள்ளன. மூன்று வெவ்வேறு விதமான புராசசர்களுடன் இவை வருகிறது.
அதன்படி, இன்டெல் i3 (8ஜிபி ரேம் + 256ஜிபி ஸ்டோரேஜ் மெமரி, 8ஜிபி + 512ஜிபி) இரண்டு மாறுபாடுகளிலும், இன்டெல் i5 (8ஜிபி + 512ஜிபி, 16ஜிபி + 512ஜிபி இரண்டு மாறுபாடுகளிலும், டாப் மாடல் இன்டெல் i7 (16ஜிபி + 512ஜிபி) மாறுபாட்டுடன் புதிய இன்பினிக்ஸ் ஸ்லிம் லேப்டாப்கள் வெளியாகியுள்ளன.
செய்திகளை உடனுக்குடன் படிக்க கூகுள் நியூஸ் ‘சமயம் தமிழ்’ பக்கத்தை பின் தொடருங்கள்
இந்த மடிக்கணினியின் எடை 1.24 கிலோவாக உள்ளது. இது அலுமினிய அலாய் கொண்டு கட்டமைக்கப்பட்டுள்ளது. மேலும்,14.8 மில்லிமீட்டர் மெல்லியதாக உள்ளது.
இந்த மடிக்கணினியில் எச்டி வெப்கேம், DTS ஒலி தொழில்நுட்பத்துடன் இரண்டு அடுக்கு ஸ்டீரியோ ஸ்பீக்கர்கள் கொடுக்கப்பட்டுள்ளன. டூயல் ஸ்டார் லைட் கேமரா அம்சத்துடன் வரும் இந்த மடிக்கணினியில், குறைந்த வெளிச்சத்திலும் வீடியோ அழைப்புகளை தெளிவாக மேற்கொள்ள முடியும்.